تۇرىك ساراپشىلارى مەملەكەت باسشىسى ق.توقايەۆ جۇرگىزىپ وتىرعان ساياسي رەفورمالار بۇگىنگى تاڭدا قازاقستاندىق قوعامنىڭ ءال-اۋقاتىن ارتتىرۋ ءۇشىن دەر كەزىندە جانە قاجەت ەكەنىن اتاپ ءوتتى.
تۇركيا استاناسىندا تۇرىك ساراپتاما ورتالىعى ساراپشىلارىنىڭ قاتىسۋىمەن «جاڭا قازاقستان: جاڭارۋ مەن جاڭعىرۋ جولى» تاقىرىبىندا دوڭگەلەك ۇستەل ءوتتى، دەپ حابارلايدى Almaty-akshamy.kz
قازاقستاننىڭ انكاراداعى ەلشىلىگى تۇركيانىڭ قوعام جانە ساياسي قايراتكەرلەرى، بەلگىلى ساراپشىلارى مەن جەرگىلىكتى جۋرناليستەردىڭ قاتىسۋىمەن قازاقستان رەسپۋبليكاسى كونستيتۋسياسىنا وزگەرىستەر مەن تولىقتىرۋلار ەنگىزۋ جوباسىن تالقىلاۋعا ارنالعان دوڭگەلەك ۇستەل ۇيىمداستىردى.
ءىس-شارانىڭ نەگىزگى سپيكەرلەرى قازاقستاننىڭ ەلشىسى ە.ساپييەۆ، تۇركيا پارلامەتىنىڭ دەپۋتاتتارى ي.كارتال، ف.شاحين، «ANKASAM» انكارا ساياسي جانە داعدارىستى زەرتتەۋ ورتالىعىنىڭ باسشىسى م.ەرول، «ساحيپكيران» ستراتەگيالىق زەرتتەۋلەر ورتالىعىنىڭ باسشىسى م.قاراكوسە جانە تۇركيا-قازاقستان دوستىعى قورىنىڭ ءتوراعاسى ج.تاش.
ءسوز سويلەگەن ە.ساپييەۆ بۇگىنگە دەيىن قازاقستاننىڭ تۇركيامەن ديپلوماتيالىق قارىم-قاتىناسىندا ساياسي، ەكونوميكالىق جانە مادەني-گۋمانيتارلىق سالالاردا قول جەتكىزىلگەن ناتيجەلەرگە توقتالدى.
تۇركيانىڭ ساۋدا-ەكونوميكالىق قارىم-قاتىناستار بويىنشا قازاقستاننىڭ ەڭ ءىرى ەكونوميكالىق سەرىكتەستەرىنىڭ ءبىرى ەكەندىگى جانە تۇركيا قازاقستاننىڭ العاشقى بەس ساۋدا سەرىكتەسىنىڭ قاتارىنا كىرەدى، ەكى ەل اراسىنداعى تاۋار اينالىمى 4 ميلليارد اقش دوللارىنان اسادى اتالىپ ءوتىلدى.
2022 جىلدىڭ العاشقى ءۇش ايىندا تاۋار اينالىمى 1،5 ملرد دوللاردى قۇرادى. الداعى ۋاقىتتا مۇنداي ديناميكا جالعاسا بەرسە، بيىلعى جىلدىڭ سوڭىنا قاراي بۇل كورسەتكىش 5 ميلليارد اقش دوللارىنا جەتەدى. بۇل ءوز كەزەگىندە تاۋار اينالىمىن 10 ميلليارد دوللارعا دەيىن ۇلعايتۋ جونىندەگى بۇرىن قويىلعان ماقساتتاردىڭ ابدەن ورىندالاتىنىن كورسەتەدى، - دەپ قوستى ەلشى.
قازاقستان پرەزيدەنتى ق.توقايەۆتىڭ تۇركياعا جاقىندا جاساعان مەملەكەتتىك ساپارى بارىسىندا 15 ماڭىزدى قۇجاتقا قول قويىلعانى حابارلاندى. بۇل كەلىسىمدەر ەكى ەل اراسىنداعى جۇك تاسىمالىنىڭ ارتۋىنا سەپتىگىن تيگىزەدى، ال ءبىلىم سالاسىنداعى قول قويىلعان كەلىسىم تاجىريبە الماسۋ مەن ءبىلىم بەرۋ باعدارلامالارىن جۇزەگە اسىرۋدى كوزدەيدى.
سونداي-اق ءىس-شارادا ق ر پرەزيدەنتى ق.توقايەۆتىڭ «جاڭا قازاقستان: جاڭارۋ مەن جاڭعىرۋ جولى» اتتى جولداۋى اياسىنداعى اۋقىمدى باستامالار مەن كونستيتۋسياعا وزگەرىستەر مەن تولىقتىرۋلار ەنگىزۋ جونىندەگى رەسپۋبليكالىق رەفەرەندۋم تالقىلاندى.
تۇرىك ساراپشىلارى مەملەكەت باسشىسى ق.توقايەۆ جۇرگىزىپ وتىرعان ساياسي رەفورمالار بۇگىنگى تاڭدا قازاقستاندىق قوعامنىڭ ءال-اۋقاتىن ارتتىرۋ ءۇشىن دەر كەزىندە جانە قاجەت ەكەنىن اتاپ ءوتتى. دوڭگەلەك ۇستەلدىڭ تاقىرىبى قاتىسۋشىلار اراسىندا ۇلكەن قىزىعۋشىلىق تۋدىردى، بۇل قىزىقتى سۇراقتار پەن كوزقاراستارمەن راستالدى.