الماتى وبلىسىندا ايەلدەر اراسىندا بولعان جاپپاي توبەلەس ۆيدەوعا ءتۇسىپ قالعان.
الەۋمەتتىك جەلىدە تاراعان بەينەجازباعا قاراعاندا، اراسىندا بالالى ايەلدەر دە بار، دەپ حابارلايدى Almaty-akshamy.kz.
وقيعا ورنىنان تۇسىرىلگەن ۆيدەو جەرگىلىكتى Instagram پاراقشالاردىڭ بىرىندە جاريالانعان.
Zakon.kz سايتىنا وبلىستىق پوليسيا دەپارتامەنتىنىڭ حابارلاۋىنشا، وقيعا قاسكەلەڭ قالاسىندا بۇگىن، 2023 جىلعى 24 شىلدەدە بولعان.
«توبەلەسكە قاتىسۋشىلاردىڭ جەكە باسى انىقتالدى. ولار پوليسيا بولىمشەسىنە جەتكىزىلدى، ولاردان جاۋاپ الىنىپ جاتىر»، دەپ جازىلعان الماتى وبلىسى پد باسپا ءسوز قىزمەتىنىڭ حابارلاماسىندا.
وسكەمەندە ءدامحانا ماڭىنداعى توبەلەس تە ۆيدەوعا ءتۇسىپ قالعان. جەدەل باسقارۋ ورتالىعىنىڭ كامەرالارىنىڭ كومەگىمەن بۇزاقىلار ۇستالدى. 2023 جىلدىڭ 24 شىلدەسىندە شىعىس قازاقستان وبلىسىنىڭ پوليسيا دەپارتامەنتى ءۇش كۇدىكتىنىڭ انىقتالعانىن حابارلادى.