ق ر پرەمەر-مينيسترىنىڭ ءبىرىنشى ورىنباسارى ر. سكلياردىڭ توراعالىعىمەن وتاندىق اۋىل شارۋاشىلىعى تاۋارىن وندىرۋشىلەرىن (ءاشتو) ديزەل وتىنىمەن قامتاماسىز ەتۋ بويىنشا جۇمىس كەڭەسى ءوتتى.
«قازمۇنايگاز» ۇك اق مەن ەنەرگەتيكا مينيسترلىگى ەگىن جيناۋ ناۋقانى كەزىندەگى ءاشتو وپەراتورلارىن ديزەلدىك وتىنمەن قامتاماسىز ەتۋ بويىنشا اعىمداعى جاعداي تۋرالى باياندادى، دەپ حابارلايدى Almaty-akshamy.kz.
«قازمۇنايگاز» ۇك اق باسقارما ءتوراعاسى م. مىرزاعالييەۆ جەڭىلدەتىلگەن ديزەل وتىنىن ساتىپ الۋعا ۋاكىلەتتى وڭىرلىك وپەراتورلاردى انىقتاۋ قارقىنىنىڭ باياۋ، سونداي-اق قمگ ءموز ديزەل وتىنىن اشتو-گە باسىمدىقپەن جونەلتۋدى جۇزەگە اسىرۋعا دايىندىعىن اتاپ ءوتتى.
تالقىلاۋ ناتيجەسىندە ەنەرگەتيكا جانە اۋىل شارۋاشىلىعى مينيسترلىكتەرىنە، سونداي-اق وبلىس اكىمدىكتەرىنە اۋىل شارۋاشىلىعى تاۋارىن وندىرۋشىلەرىنىڭ سۇرانىسىن دەر كەزىندە قاناعاتتاندىرۋ بويىنشا جەدەل شارالار قابىلداۋ تاپسىرىلدى.
ايتا كەتەيىك، ءاشتو ءۇشىن ديزەل وتىنىن جەتكىزۋ ۇكىمەتتىڭ باقىلاۋىندا.