قازاقستاننىڭ ەكىنشى، الەمنىڭ 58-راكەتكاسى يۋليا پۋتينسيەۆا گەرمانيادا گامبۋرگ WTA 250 ءتۋرنيرىن جەڭىسپەن باستادى، دەپ حابارلايدى Almaty-akshamy.kz.
جارىستىڭ 6-راكەتكاسى يۋ. پۋتينسيەۆا باستاپقى كەزدەسۋىن دۇنيەجۇزىلىك رەيتينگتە 184-ورىندا تۇرعان فرانسيالىق ەلزا جاكەمومەن وتكىزدى.
قازاقستاندىق تەننيسشى 6:2، 6:4 ەسەبىمەن جەڭىسكە جەتتى.
ءبىر ساعاتتان استام ۋاقىتقا سوزىلعان ماچتا يۋ. پۋتينسيەۆا 6 برەيك-پوينتتىڭ بەسەۋىن پايدالانا ءبىلدى.
قارسىلاسى 2 برەيكپەن (3 برەيك-پوينت) كوزگە ءتۇستى.
يۋليا پۋتينسيەۆا شيرەك فينالعا شىعۋ ءۇشىن كورت يەلەرى، الەمنىڭ 106-راكەتكاسى يۋلە نيمايەر نەمەسە رەيتينگتە 305-ساتىداعى ەللا زايدەلدىڭ بىرەۋىمەن تالاسادى.