الماتى وبلىسىنا قاراستى قاسكەلەڭ قالاسىنداعى مەكتەپتەردىڭ بىرىندە 9-سىنىپ وقۋشىسى كوز جۇمعانى تۋرالى اقپارات تارادى، دەپ حابارلايدى Aqshamnews.kz ءتىلشىسى.
جەلىدە جاريالانعان مالىمەتكە سايكەس، وقۋشى ساباق اراسىنداعى ءۇزىلىس كەزىندە ءوزىن جايسىز سەزىنگەن. سول ساتتە بىردەن جەدەل جاردەم شاقىرىلىپ، جاقىندارىنا حابارلانعان. وقۋشىنىڭ جانىندا اتالعان مەكتەپتە ءمۇعالىم بولىپ جۇمىس ىستەيتىن اجەسى دە بولعانى ايتىلدى.
وقيعا ورنىنا جەتكەن دارىگەرلەر رەانيماسيالىق كومەك كورسەتكەنىمەن، ءجاسوسپىرىمدى امان الىپ قالا المادى. ول سول جەردە قايتىس بولعان. مالىمەت بويىنشا، وقۋشى اقپان ايىنىڭ اياعىندا 16 جاسقا تولاتىن ەدى.
ءقازىر ءولىمنىڭ ناقتى سەبەبى انىقتالىپ جاتىر. سوت-مەديسينالىق ساراپتاماسى تاعايىندالعان.
الماتى وبلىستىق پوليسيا دەپارتامەنتى وقۋشىنىڭ قايتىس بولعانىن راستادى.