"قايرات" پەن "بريۋگگە" ماچىندە قوعامدىق ءتارتىپ بۇزعان بەلگيانىڭ بىرنەشە جانكۇيەرى اكىمشىلىك قاماۋعا الىندى، دەپ حابارلايدى اqshamnews.kz ءتىلشىسى.
قالالىق سوتتىڭ باسپا ءسوز قىزمەتىنىڭ مالىمەتىنشە، استانا قالاسىنىڭ مامانداندىرىلعان اكىمشىلىك قۇقىقبۇزۋشىلىقتار جونىندەگى سوتىنا بەلگيا ازاماتتارى س.، د.، ن.-عا قاتىستى ۇساق بۇزاقىلىق دەرەگىمەن (ق ر اقبتك 434-بابى 1-بولىگى) ءىس تۇسكەن.
سوت ماتەريالدارىندا كورسەتىلگەندەي، 2026 جىلعى 20 قاڭتاردا ولار "استانا ارەنا" ستاديونىنىڭ تريبۋنالارىندا ماس كۇيىندە كيىمدەرىن شەشىپ، ءىش كيىممەن قالىپ، ايقايلاپ، جۇرتتىڭ نازارىن وزدەرىنە اۋدارۋعا تىرىسقان. وسى ارەكەتى قوعامدىق ءتارتىپتىڭ بۇزىلۋىنا سەبەپ بولعان.
سوت وتىرىسىندا شەتەلدىك ازاماتتار كىنالارىن مويىنداپ، بولعان جاعدايدى ەموسيامەن بايلانىستىردى. قۇقىقبۇزۋشىلىق فاكتىسى بەينەجازبالارمەن راستالعان.
ناتيجەسىندە سوت قاۋلىسىمەن س.، د.، ن. كىنالى دەپ تانىلىپ، ءارقايسىسىنا 5 تاۋلىك اكىمشىلىك قاماۋ جازاسى تاعايىندالدى.