بۇكىرەيگەن ارقا مەن تىرناق ءتارىزدى ساۋساقتار. شامامەن 80 جىلدان كەيىن قاشىقتان جۇمىس ىستەيتىندەردىڭ كەسكىن-كەلبەتى وسىنداي بولماق.
مۇنداي بولجامدى ۇلىبريتانيا عالىمدارى جاساعان، دەپ حابارلايدى Almaty-akshamy.kz.
ليدس ۋنيۆەرسيتەتى ماماندارىنىڭ ايتۋىنشا، بريتاندىقتاردىڭ شامامەن ۇشتەن ءبىرى قاشىقتان جۇمىس ىستەيدى، ءبىراق ولاردىڭ جۇمىس ورىندارى جاقسى جابدىقتالماعان. وسىنىڭ ەسكەرگەن زەرتتەۋشىلەر ونلايندا نەمەسە قاشىقتان جۇمىس جاسايتىنداردىڭ بولاشاق ءپروتوتيپىن جاساۋدى ماقسات ەتكەن.
ءپروتوتيپتى اننا دەپ اتاعان. ونىڭ ارقاسى بۇكىرەيگەن، يىقتارى كوتەرىلگەن، اجىمدەرگە تولعان سۇرشا ءجۇزى جانە ۇنەمى ءوز توسەگىندە جۇمىس ىستەۋىنە بايلانىستى سالماقتان پروبلەمالارى بار. ارينە، قاسىنان كوفە نەمەسە شاي جانە ءدامدى ءبىر نارسە بولاتىنىن دا ەسكەرۋ قاجەت.
كومپيۋتەرمەن ۇنەمى جۇمىس ىستەگەننەن كەيىن اننانىڭ كوزدەرى قىزارىپ، ءىسىپ كەتكەن. ساۋساقتارى تولىعىمەن جازىلمايدى جانە ولار كوبىنە كوپ سىرت كوزگە «تىشقان تەتىگىنە» ۇقسايدى.
سونىمەن بىرگە، بولاشاق قاشىقتان جۇمىس ىستەۋشى دەپرەسسياعا شالدىققىش ءارى يممۋنيتەتى دە وتە ءالسىز بولادى. بۇل تازا اۋانىڭ جەتىسپەۋشىلىگىنەن بولادى.
وسىعان بايلانىستى، دەنساۋلىق ساقتاۋ سالاسىنىڭ ساراپشىلارى قاشىقتان جۇمىس ىستەيتىندەرگە، ءبىرىنشى كەزەكتە، وزدەرىنە ارنالعان جاقسى جۇمىس ورنىن ۇيىمداستىرۋعا شاقىرادى. سونداي-اق، ءجيى ءۇزىلىس جاساپ، كوبىرەك قوزعالىپ، تىرەك-قيمىل اپپاراتىن نىعايتۋ ءۇشىن جاتتىعۋلار جاساۋ كەرەك.