شىعىس قازاقستان وبلىسى كاتونقاراعاي اۋدانىندا ورمان ءورتى وقشاۋلاندى.
شقو توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، كاتونقاراعاي ۇلتتىق تابيعي پاركى اقسۋ فيليالىنىڭ اۋماعىندا شىققان قىزىل جالىننىڭ بەتى قايتتى، دەپ حابارلايدى Almaty-akshamy.kz.
«الدىن الا دەرەك بويىنشا كاتونقاراعاي اۋدانىنىڭ سەننوە اۋىلىنان 3 شاقىرىم جەردە، «كاتونقاراعاي ۇلتتىق تابيعي پاركى» رمم اقسۋ فيليالىنىڭ اۋماعىندا (ۋست-يازوۆسكوە ورمانشىلىعى) تۇتانعان ءورتتىڭ جالپى اۋدانى 15 گەكتاردى قۇرادى. ءشوپ پەن بۇتالاردى شارپىعان وت ساعات 14.00-دە وقشاۋلاندى. ءورتتى سوندىرۋگە تجد-دان 11 ادام، ورمان شارۋاشىلىعىنان 99 ادام جانە 3 تەحنيكا، «اۆياورمانقورعاۋ» مەكەمەسىنەن 6 ادام جانە جەرگىلىكتى اتقارۋشى ورگاننان 7 ادام جۇمىلدىرىلدى»، - دەلىنگەن اقپاراتتا.
ەسكە سالساق، شىعىس قازاقستان وبلىسىنىڭ كاتونقاراعاي اۋدانىندا كەشەدەن بەرى ورمان ورتەنىپ جاتقان ەدى.