الماتى اكىمى ءوز سوزىندە ماۋسىمنىڭ ءۇشىنشى جەكسەنبىسى كۇنتىزبەدەگى ەرەكشە كۇن ەكەنىن اتادى، دەپ حابارلايدى Almaty-akshamy.kz.
بۇل كۇنى قازاقستاننىڭ اق حالاتتى ابزال جاندارى كاسىبي مەرەكەسىن تويلايدى.
«سانالى عۇمىرىن وسى اسىل ماماندىقپەن بايلانىستىرعاندارعا شىن جۇرەكتەن باقىت، اماندىق، زور دەنساۋلىق، بەيبىتشىلىك پەن جاقسىلىق تىلەيمىن»، - دەدى مەگاپوليس باسشىسى.
الماتى وتاندىق مەديسيناداعى ءىرى ورتالىقتىڭ ءبىرى سانالادى. قالادا 40 مەملەكەتتىك جانە 36 جەكەمەنشىك ەمحانا، 24 مەملەكەتتىك جانە 6 رەسپۋبليكالىق ستاسيونار بار. 13 مىڭنان استام دارىگەر مەن 19 مىڭ مەدبيكە ەڭبەك ەتەدى.