ناۋرىز ايىنان بەرى ءوزىن بانكروت دەپ جاريالاۋدى سۇراعان 51 مىڭنان استام ەل ازاماتىنىڭ ءوتىنىشى قابىلدانبادى
كىرىستەر كوميتەتى ءاربىر كەرى قايتارىلعان قۇجاتقا ناقتى سەبەپ بار دەپ وتىر. «نەسيە تولەۋگە مۇمكىندىگىم جوق»، - دەگەن كەيبىر بورىشكەرلەردىڭ دەپوزيتتە جيعانى بار بولىپ شىققان، دەپ حابارلايدى Almaty-akshamy.kz qazaqstan.tv-گە سىلتەمە جاساپ.
كرەديت تولەي المايتىنداردى قۇتقاراتىن ارنايى زاڭ قابىلدانعاننان كەيىن العاشقىلاردىڭ ءبىرى بولىپ ءوتىنىش بەرگەن الماتىلىق گاۋھار داۋىلجان قىزى. دەكرەتتىك دەمالىسقا شىققاننان كەيىن جۇمىس ىستەۋگە مۇمكىندىگى بولماعان كەلىنشەك بانكروتتىق تۋرالى زاڭ تالاپتارىنا كونىپ، 1 ميلليون تەڭگەگە جۋىق قارىزىن كەشىرۋدى سۇراعان.
«ول قاراجات ۇيگە كەرەك بولدى. مەن ءوزىم بانكروتتىققا ناۋرىز ايىندا ءبىرىنشى بولىپ تاپسىردىم. ول كەزدە مەن ەسەپتەمەپپىن 12 ايعا تولماپتى. 15-20 كۇننىڭ ىشىندە ءوتىنىشىم قابىلدانبادى دەگەن حابار الدىم. ءۇش ايدان كەيىن قايتادان كەلىڭىز دەدى. كەلدىم قايتىپ تاپسىردىم. قابىلداندى»، -دەيدى قالا تۇرعىنى گاۋھار ابدىبايەۆا.
«كەيبىر ازاماتتاردىڭ اتىندا ج ش س بار ەكەندىگى، سونىمەن قاتار كاسىپكەرلىگى بار ەكەندىگى انىقتالدى. سونىمەن قاتار باعالى قاعازدارى، دەپوزيتتەرى بار ەكەندىگى انىقتالدى. كەيبىر ازاماتتار مەن بۇل نەسيەمدى تولەمەگەنىمە 12 ايدان اسىپ كەتتى دەپ ايتادى. ءبىراق بەلگىلى ءبىر سەبەپپەن ونىڭ نەسيە تولەمىن بىرەۋ جاساپ وتىرعانى انىقتالادى. ارينە، بۇل ماسەلەنى ازامات ءوزى كوتەرىپ، ءارى قاراي بانككە حابارلاسىپ شوتىنا كىمنىڭ نەسيە وتەگەنىن انىقتاي الادى»، -دەيدى ق ر قارجى مينيسترلىگى مەملەكەتتىك كىرىستەر كوميتەتىنىڭ وكىلى اينۇر سارتايەۆا.
ال نەسيەنى تولەي الماي جۇرگەندە شوتىڭىزعا تانىسىڭىز قاراجات جىبەرسە، اقشا بىردەن مەرزىمى ءوتىپ كەتكەن تولەمگە دەپ اۋدارىلاتىنى بەلگىلى. كرەديت جارتىلاي وتەلسە دە، بانكروتتىققا ىلىگۋ مۇمكىن ەمەس. سوندىقتان الەۋمەتتىك جاعدايىڭىزدى بانككە بارىپ، الدىن الا ەسكەرتۋىڭىز قاجەت دەيدى ماماندار. وسىنداي سان ءتۇرلى سەبەپتىڭ سالدارىنان التى ايدىڭ ىشىندە 63 مىڭعا جۋىق ازاماتتىڭ 80 پايىزىنىڭ ءوتىنىشى كەرى قايتارىلعان. دەسەك تە، ولار جىبەرىلگەن قاتەلىكتەردى تۇزەپ ءۇش ايدان كەيىن قايتادان بانكروتتىققا ءوتىنىم بەرۋگە قۇقى بار.
ايتا كەتەيىك، وسى كۇنگە دەيىن بانكروت دەپ تانىلعان 10 مىڭ ادامنىڭ جارتىسى سوڭعى 5 جىلدان بەرى نەسيەسىن جابا الماي جۇرگەندەر ەكەن.