1 ملن-نان استام قازاقستاندىق نەسيەلەردى وتەۋ مەرزىمىن بۇزعان
بۇگىندە ەلىمىزدە 1 ملن-نان استام ازامات نەسيەلەردى وتەۋ مەرزىمىن بۇزعان. بۇل تۋرالى ق ر قارجى ءبىرىنشى ۆيسە-مينيسترى مارات سۇلتانعازييەۆ ءمالىم ەتتى، دەپ حابارلايدى almaty-akshamy.kz
«بۇگىنگى كۇنى ازاماتتاردىڭ ەداۋىر بولىگىنىڭ قارجىلىق جاعدايى ناشارلاعان. ونىڭ ءارتۇرلى سەبەپتەرى بار: جۇمىسىنان ايىرىلۋ نەمەسە جۇمىسقا جارامسىزدىق، ەكونوميكالىق قۇلدىراۋ اياسىندا ءال-اۋقات دەڭگەيىنىڭ تومەندەۋى جانە كوروناۆيرۋس ينفەكسياسىنا قاتىستى كارانتيندىك ءىس-شارالاردى ەنگىزۋ. نەسيە بيۋروسىنىڭ اقپاراتىنا سايكەس، بۇگىندە 1 ملن-نان استام ازامات نەسيلەرىن وتەۋ مەرزىمىن بۇزعان»، - دەدى ول ورتالىق كومۋنيكاسيالار قىزمەتىندەگى بريفينگ بارىسىندا.
ونىڭ اتاپ وتۋىنشە، كوممۋنالدىق تولەم، سالىق بويىنشا بەرەشەگى بار ازاماتتاردىڭ دا قاتارى مول. سونىمەن قاتار بورىنشكەر مۇلكىنىڭ بولماۋىنا بايلانىستى قايتارىلعان 4 ملرد تەڭگە سوماسىنا اتقارۋشىلىق قۇجاتتار بار.