ولار جول جيەگىندەگى تروتۋارلاردى جاناي نەمەسە ونىڭ ۇستىنە سالىنعان كافە مەن دۇكەندەردى سۋرەتكە ءتۇسىرىپ، مەكەنجايلارىن جاريالاۋدا.
وسىلايشا وزەكتى ماسەلەگە ءتيىستى ورگانداردىڭ نازارىن اۋدارعىلارى كەلەدى. سەبەبى جاياۋ جۇرگىنشىلەر كولىك جولىمەن جۇرۋگە ءماجبۇر. جوعالعان تروتۋاردى جەرگىلىكتى بيلىك جوقتاماعان سوڭ، تۇرعىندار الەۋمەتتىك جەلى ارقىلى جاۋاپتىلاردى ىزدەي باستادى. قالا تۇرعىنى گالينا سۆيريدوۆانىڭ باستاماسىن وزگە تۇرعىندار دا قولداپ، شاھاردىڭ ءار جەرىندەگى زاڭسىزدىقتاردى جىپكە ءتىزىپ جاتىر، دەپ حابارلايدى Almaty-akshamy.kz 24.kz-كە سىلتەمە جاساپ.
«جولعا قاتىستى كەز كەلگەن تالاپ ادامداردىڭ قاۋىپسىزدىگى ءۇشىن جاسالعان. سول تالاپ بويىنشا تروتۋاردىڭ ەنى ساقتالۋى كەرەك. بىزدە وكىنىشكە وراي، مۇنداي زاڭ قاداعالانبايدى. سوندىقتان كوپتەگەن كوشەلەردە تروتۋارلار جوق. ولار بۇرىن بولعان، قوسىمشا قۇرىلىس سالىنىپ كەتكەن»، - دەيدى قالا تۇرعىنى گالينا سۆيريدوۆا.
الماتىلىقتار زاڭ تالاپتارىنا سالعىرت قاراعان مەكەمەلەردى تەكسەرۋ كەرەكتىگىن ايتادى. ال وڭىرلەردەگى جەر ينسپەكسيالارىنا جاۋاپتى اۋىل شارۋاشىلىعى مينيسترلىگىنىڭ مالىمەتىنشە، كاسىپكەرلىك كودەكسىنىڭ 144-بابىنا سايكەس، كاسىپكەرلەردى تۇرعىنداردان جازباشا ارىز تۇسپەيىنشە تەكسەرۋگە بولمايدى.
«جەكە كاسىپكەرلەردى اكىمشىلىك جاۋاپكەرشىلىككە، اشىعىن ايتقاندا، جاۋاپكەرشىلىككە تارتۋ مۇمكىن ەمەس. موراتورييعا بايلانىستى قانداي كاسىپكەر بولسا دا، ءبىز بارىپ، جۇمىسىن تەكسەرە المايمىز. ياعني بۇل جەردە ول ءقازىر كوشەنىڭ بويىندا تۇر ما نەمەسە ونىڭ جارتى مەترى مە نەمەسە تولىعىمەن تروتۋاردى جاۋىپ الدى ما دەگەن سەكىلدى ماسەلە»، - دەيدى ق ر اشم باسپا ءسوز حاتشىسى دامير ەگىزبايەۆ.
سوعان قاراماستان، قۇزىرلى ورگاندار الماتىدا وتكەن جىلى 490 كاسىپكەرلىك نىسانىن تەكسەرگەن. ونىڭ 258ء-ى - مەملەكەت مەنشىگىندەگى جەرگە زاڭسىز كىرگەندەر. ءقازىر وسى كاسىپ يەلەرىنە قاتىستى ءتيىستى شارا قولدانۋ جاعى قاراستىرىلۋدا.