12 كوماندادان 150 اسكەري قىزمەتشى ب ا ق سىناستى
وسكەمەندەگى «جەكپە-جەك» سپورت كەشەنىندە «دينامو» دەنە شىنىقتىرۋ-سپورت قوعامىنىڭ قولداۋىمەن ۇيىمداستىرىلعان IX ۆەدومستۆوارالىق سپارتاكيادا اياسىندا سامبودان جارىس ءوتتى، دەپ حابارلايدى Almaty-akshamy.kz.
جارىسقا قازاقستان رەسپۋبليكاسىنىڭ كۇشتىك جانە باسقا دا ارناۋلى قۇرىلىمدارىنىڭ، قۇقىق قورعاۋ ورگاندارىنىڭ 12 كومانداسىنىڭ اتىنان 150 اسكەري قىزمەتشىسى مەن قىزمەتكەرى قاتىستى.
جالپىكوماندالىق ەسەپتە قورعانىس مينيسترلىگى ورتالىق سپورت كلۋبىنىڭ اتىنان جەتى سالماقتا سىنعا تۇسكەن سپورتشىلاردىڭ تورتەۋى جەڭىسكە جەتتى. ءوز سالماعىندا ەفرەيتور اسحات بالتابايەۆ (64 كگ)، ەفرەيتور ارنۇر قۋاتاي (79 كگ)، توقتاربەك ايداربەك (88 كگ) جانە مارات بايقامۇروۆ (98 كگ) جەڭىمپاز اتاندى.
جارىس قورىتىندىسى بويىنشا قارۋلى كۇشتەردىڭ سپورتشىلارى جەڭىسكە جەتسە، ەكىنشى جانە ءۇشىنشى ورىن ىشكى ىستەر مينيسترلىگى مەن ۇلتتىق ۇلاننان كەلگەن قارسىلاستارىنا بۇيىردى.