راديوەلەكترونيكا جانە بايلانىس اسكەري-ينجەنەرلىك ينستيتۋتىندا وتكەن شارا ىنتىماق پەن ءپاتريوتيزمنىڭ جارقىن كورىنىسى بولدى.
ءبىلىم ورداسىنىڭ باستىعى گەنەرال-مايور نۇرتاس قاباقوۆ جەكە قۇرامدى مەملەكەتتىك مەرەكەمەن قۇتتىقتاپ، ونىڭ ءاربىر قازاقستاندىق ءۇشىن ماڭىزدىلىعىن اتاپ ءوتتى، دەپ حابارلايدى aqshamnews.kz قورعانىس مينيسترلىگىنە سىلتەمە جاساپ.
– تاۋەلسىزدىك كۇنى بارشامىزدى ەلىمىزدىڭ جەتىستىكتەرىن ساقتاۋعا جانە نىعايتۋعا ۇمتىلدىرادى. بورىشقا ادال، ءتارتىپتى جانە مەملەكەتتىڭ قورعانىس قابىلەتىن نىعايتۋعا قوسقان ۇلەستەرىڭ ءۇشىن العىس ايتامىن، – دەدى ول.
گەنەرال-مايور نۇرتاس قاباقوۆ جىل قورىتىندىسى بويىنشا قىزمەتتىك مىندەتتەرىن ۇلگىلى اتقارعانى ءۇشىن اسكەري قىزمەتشىلەر مەن مەرزىمدى قىزمەت ساربازدارىنا گراموتالار تابىس ەتىپ، العىس جاريالادى. وقۋدا جانە جاۋىنگەرلىك دايارلىقتا جەتىستىكتەرى بار كۋرسانتتارعا "كىشى سەرجانت" اسكەري اتاعى بەرىلدى.
الماتى قالاسىنداعى № 1 وقۋشىلار ءۇيىنىڭ شىعارماشىلىق ۇجىمى جوعارى وقۋ ورنىنىڭ جەكە قۇرامىنا كونسەرت قويدى. جاس ارتىستەر جاۋىنگەرلەردى باستى قۇندىلىقتار – قازاقستان حالقىنىڭ بوستاندىعى، بىرلىگى مەن داستۇرلەرى تۋرالى ەسكە سالاتىن جارقىن قويىلىمدارمەن قۋانتتى.
ولارعا وقۋ ورنىنىڭ اۋماعىنا ارنايى ەكسكۋرسيا ۇيىمداستىرىلدى، وقۋشىلار جوو-نىڭ ەرەكشەلىكتەرىمەن جانە اسكەريلەردىڭ قىزمەتىمەن تانىستى.