قارۋلى كۇشتەردىڭ ارداگەرى، وتستاۆكاداعى گەنەرال-مايور ءۋالي ەلامانوۆ دۇنيەدەن ءوتتى، دەپ حابارلايدى Almaty-akshamy.kz قورعانىس مينيسترلىگىنە سىلتەمە جاساپ.
27 مامىردا 71 جاسقا قاراعان شاعىندا ءۋالي بيساقان ۇلى ومىردەن وزدى. ول بار عۇمىرىن اسكەري ىسكە ارناپ، وفيسەرلىك مانساپتىڭ، ەل ازاماتىنىڭ ابىرويلى جولىنان ءوتتى. 1974 جىلى ريازان جوعارى دەسانتتىق كوماندالىق ۋچيليششەسىن ءبىتىردى. وفيسەرلىك قىزمەتتى قىرعىزستاننىڭ وش قالاسىندا گۆارديالىق اۋە-دەسانتتىق ديۆيزياسى پاراشيۋت-دەسانتتىق ۆزۆودىنىڭ كومانديرى بولىپ باستادى. كەيىننەن گەرمانياداعى كەڭەس اسكەرلەرى توبىندا (كوتبۋس ق.، گدر) پاراشيۋتتىك-دەسانتتىق باتالونىنىڭ كومانديرى لاۋازىمىندا قىزمەت اتقارعان.
1985 جىلى م.ۆ. فرۋنزە اتىنداعى اسكەري اكادەميانى ءبىتىردى. 1992 جىلى قازاقستان تاۋەلسىزدىك العاننان كەيىن قاپشاعاي قالاسىندا (قازىرگى قونايەۆ ق.) گۆارديالىق دەسانتتىق-شابۋىلداۋ بريگاداسى كومانديرىنىڭ ورىنباسارى جانە كومانديرى لاۋازىمدارىن اتقاردى.
2001 جىلى رەسەي فەدەراسياسى قارۋلى كۇشتەرى باس شتابىنىڭ اسكەري اكادەمياسىن ۇزدىك ءبىتىردى. قازاقستان قارۋلى كۇشتەرى ءموبيلدى كۇشتەرىنىڭ ءبىرىنشى قولباسشىسى.
2002 جىلدان "وڭتۇستىك" وڭىرلىك قولباسشىلىعى اسكەرلەرىنىڭ قولباسشىسى.
2007 جىلى شتاب باستىقتارى كوميتەتى ءتوراعاسىنىڭ ورىنباسارى لاۋازىمىندا بولدى. 2009 جىلدان باستاپ قازاقستان رەسپۋبليكاسى قارۋلى كۇشتەرى شتابتار باستىقتارى كوميتەتى ءتوراعاسىنىڭ ءبىرىنشى ورىنباسارى بولدى. ول II دارەجەلى "دانق" وردەنىمەن جانە كوپتەگەن مەدالدارمەن ماراپاتتالعان.
"گەنەرال-مايور ءۋالي بيساقان ۇلى ەلامانوۆ ساۋاتتى دا بىلىكتى شاكىرتتەردىڭ ءبىر توپ بۋىنىن تاربيەلەدى، ابىروي بەدەلگە يە بولدى، وتباسىنىڭ قامقورشىسى بولا ءبىلدى. 2011 جىلدان باستاپ زەينەتكەرلىككە شىقتى. قۇرمەتتى دەمالىستا ءجۇرىپ تە ول عۇمىرىن وتانىنا قىزمەت ەتۋگە ارناپ، جۇمىسىن جالعاستىردى. ليەۆ گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ اسكەري كافەدراسىن باسقاردى. قورعانىس مينيسترلىگىنىڭ باسشىلىعى مەن قازاقستان رەسپۋبليكاسى قارۋلى كۇشتەرىنىڭ جەكە قۇرامى ءۋالي بيساقان ۇلىنىڭ مەزگىلسىز ومىردەن وتۋىنە بايلانىستى مارقۇمنىڭ تۋىستارى مەن جاقىندارىنا قايعىرىپ كوڭىل ايتادى. ءۋالي بيساقان ۇلى جايلى جاقسى جانە جارقىن ەستەلىك ءبىزدىڭ جۇرەگىمىزدە ماڭگى ساقتالادى"، - دەلىنگەن حابارلامادا.