الماتىدا جەر سىلكىنىسى بولسا، قۇتقارۋ جۇمىستارى قالاي جۇرگىزىلمەك؟
سەيسميكالىق جاتتىعۋدىڭ نەگىزگى ماقساتى قالا تۇرعىندارىنىڭ توتەنشە جاعدايلاردا دۇرىس ىس-ارەكەتكە دايىندىق دەڭگەيىن ارتتىرۋ بولىپ تابىلادى. وسىلايشا تۇرعىندار ەۆاكۋاسيا مارشرۋتتارىن، ءقاۋىپسىز ورىنداردى الدىن الا انىقتاپ، دابىل قاعىلعاندا وزىمەن بىرگە الىپ شىعاتىن چەمودانداردى دايىنداۋ قاجەت. اتاپ ءوتۋ قاجەت، ەلەكتر جەلىلەرى مەن عيماراتتاردان الىس اشىق الاڭدار ءقاۋىپسىز ورىندار بولىپ تابىلادى، دەپ حابارلايدى Almaty-akshamy.kz.
جالپى، الماتى قالاسى 9-10 بالدىق سەيسميكالىق ايماقتا ورنالاسقان. جىل سايىن قالادا 200-گە دەيىن ءالسىز سەزىلمەيتىن جەر سىلكىنىسى تىركەلەدى. 2-دەن 4 باللعا دەيىنگى جەر سىلكىنىسى الماتى ءۇشىن فوندىق رەجيم بولىپ تابىلادى. سەيسمولوگيا ينستيتۋتىنىڭ بولجامدى كوميسسياسىنىڭ مالىمەتى بويىنشا، جىل سوڭىنا دەيىن قالادا 7 جانە ودان دا كوپ باللدىق جەر سىلكىنىسى كۇتىلمەيدى.
وسىعان بايلانىستى قالالىق سەيسميكالىق جاتتىعۋلار قانداي دا ءبىر جەر سىلكىنىسىن كۇتۋمەن بايلانىستى ەمەس ەكەنىن اتاپ ايتۋ قاجەت!
مۇندا "ادك" ساۋدا-ويىن-ساۋىق كەشەنىنىڭ نەگىزگى وقۋ ورنى-تۇراعىندا دالادا قۇرىلاتىن اسحاناسى بار شاتىرلى لاگەر ورنالاستىرىلدى، قالالىق ازاماتتىق قورعاۋ قىزمەتتەرى مەن تجم بولىمشەلەرىنىڭ قۇتقارۋ جانە ارنايى تەحنيكاسى كورسەتىلدى، ءىس جۇزىندە جەر سىلكىنىسىنىڭ ءموبيلدى سيمۋلياتورى كورسەتىلدى، العاشقى كومەك كورسەتۋ بويىنشا ءتۇرلى شەبەرلىك ساعاتتارى وتكىزىلدى. جاقىن جەردە ورنالاسقان قويما عيماراتى تج كەزىندە ادامداردى قۇتقارۋ جانە ەۆاكۋاسيالاۋ بويىنشا ءىس-قيمىلداردى پىسىقتادى. قالانىڭ قالعان التى جاتتىعۋ ورنىندا: بوستاندىق جانە تۇركسىب اۋداندارىنىڭ گيمنازيالارىندا باسپاناسىز قالعان ادامداردى قابىلداۋ پۋنكتتەرى ورنالاستىرىلدى، الماتى-1 تج ستانسياسىنان اۆتوموبيل جانە تەمىرجول كولىگىندە حالىقتى ەۆاكۋاسيالاۋ ەلەمەنتتەرى پىسىقتالدى. "كاسپيان بيەۆەرەيدج حولدينگ" اق حيميالىق وبەكتىسىنىڭ بازاسىندا اممياك توگىلۋىنە بايلانىستى تەحنوگەندىك سيپاتتاعى تج جويۋ بويىنشا ءىس-قيمىلدار پىسىقتالدى. الماتى وبلىسى وتەگەن باتىر كەنتىندەگى "جەتىسۋ" تەمىرجول ستانسياسىندا باسقا وڭىرلەردەن كومەككە كەلەتىن تەحنيكا ءتۇسىرىلدى.
ايتا كەتۋ كەرەك، الماتى قالاسىنىڭ اۋماعىندا سەيسميكالىق قاۋىپسىزدىكتى قامتاماسىز ەتۋ بويىنشا ءىس-شارالار جۇيەلى نەگىزدە جۇرگىزىلۋدە. جىلدىڭ باسىنان باستاپ قالانىڭ بارلىق الەۋمەتتىك نىساندارىندا 3،5 مىڭنان استام سەيسميكالىق جاتتىعۋلار وتكىزىلدى. جەر سىلكىنىسىنەن كەيىن حالىققا كومەك كورسەتۋ ماقساتىندا قالا اۋماعىندا زارداپ شەككەن حالىقتى قابىلدايتىن 384 پۋنكت قۇرىلدى.
اتاپ ءوتۋ قاجەت، الماتى قالاسىندا تاۋەلسىز مەملەكەتتەر دوستاستىعى اراسىندا جەر سىلكىنىسى تۋرالى اۆتوماتتاندىرىلعان ەرتە حاباردار ەتۋ جۇيەسى العاش رەت ەنگىزىلگەنى تۋرالى اتاپ وتكىمىز كەلەدى. ول دارمەن ءموبيلدى قوسىمشاسىمەن ينتەگراسيالانعان. سونداي-اق 4 جانە ودان دا كوپ باللدىق جەر سىلكىنىسى كەزىندە قوسىمشانى جۇكتەپ العان پايدالانۋشىلار وزدەرىنىڭ سمارتفوندارىنا Push-حابارلامالار اۆتوماتتى رەجيمدە تۇسەدى.
جالپىقالالىق سەيسميكالىق جاتتىعۋدىڭ وقۋ ورىندارىندا جەكە قۇرامنىڭ 900-دەن استام ادامى جانە ازاماتتىق قورعاۋ قىزمەتىنىڭ 80 تەحنيكاسى تارتىلدى، سونداي-اق قالانىڭ ءتۇرلى نىساندارى قاتىستى.
جاپونيانىڭ تاجىريبەسى بويىنشا، تاۋەلسىز مەملەكەتتەر دوستاستىعى اراسىندا الماتى قالاسىندا العاشقى بولىپ جەر سىلكىنىسى تۋرالى قالا ماڭىندا "دارمەن" ءموبيلدى قوسىمشاسىمەن ينتەگراسيالانعان اۆتوماتتاندىرىلعان ەرتە حاباردار ەتۋ جۇيەسى ەنگىزىلگەنى تۋرالى اتاپ وتكىمىز كەلەدى.
سونداي-اق 4 جانە ودان دا كوپ باللدىق جەر سىلكىنىسى كەزىندە قوسىمشانى جۇكتەپ العان پايدالانۋشىلاردىڭ سمارتفوندارىنا Push-حابارلامالار اۆتوماتتى رەجيمدە تۇسەدى. "دارمەن" قوسىمشاسى باسقا دا توتەنشە جاعدايلار كەزىندە حالىقتى اقپاراتتاندىرۋ ءۇشىن دە قولدانىلادى.
جەر سىلكىنىسى تۋرالى الدىن الا حاباردار ەتۋ جۇيەنى ودان ءارى دامىتۋ ءۇشىن تاعى 28 ستانسيا ورناتىلادى، اعىمداعى جىلى 11 ستانسيا ورناتىلىپ، ءبىرىنشى كەزەڭدى ىسكە اسىرۋ اياقتالادى، ەكىنشى كەزەڭىندە 2023 جىلى 17 ستانسيا ورناتىلادى.