قارۋلى كۇشتەردىڭ دايىندىق جوسپارى بويىنشا اسكەرلەردە وقۋدىڭ جازعى كەزەڭى كەشەندى تاكتيكالىق-ساپتىق ساباقتاردان باستالدى.
قۇرامالار، اسكەري بولىمدەر مەن مەكەمەلەر جاۋىنگەرلىك ازىرلىكتى جوعارى دارەجەگە كەلتىرۋ كەزىندە جەكە قۇرام مەن بولىمشەلەردىڭ ءىس-قيمىلدارىن پىسىقتايدى. ەسكەرتۋ جۇيەسىنىڭ تيىمدىلىگى، دابىل بەرۋ كەزىندە شتابتاردىڭ جۇمىسىنىڭ ۇيلەسىمدىلىگى تەكسەرىلەدى، دەپ حابارلايدى aqshamnews.kz
ءىس-شارالاردى وتكىزۋ ءۇشىن وقۋ سىنىپتارى، دالالىق جاعدايدا جەكە قۇرام مەن تەحنيكانى قابىلداۋ پۋنكتەرى جابدىقتالىپ، ستاسيونارلىق جانە دالالىق وقۋ-ماتەريالدىق بازا دايىندالعان.
بولىمشەلەر شوعىرلانعان اۋداندارعا شىعارىلدى. تەحنيكا مەن قارۋ-جاراق جاۋىنگەرلىك قولدانۋعا دايىن جاعدايعا كەلتىرىلدى. راديوتەحنيكالىق بولىمشەلەر مەن زەنيتتىك زىمىران كەشەندەرىنىڭ ەسەپتوپتارى كۇشەيتىلگەن جۇمىس رەجيمىنە اۋىستىرىلدى. اۆياسيا بولىگىن جەدەل اۋەايلاقتارعا كوشىرۋ جۇزەگە اسىرىلادى. جاۋىنگەرلىك كەمە ەكيپاجدارى مەن جاعالاۋ بولىمشەلەرى پورتتار مەن كەمە تۇراقتارىنىڭ ديۆەرسياعا قارسى قاۋىپسىزدىگىن ۇيىمداستىرادى.
ءىس-شارالار اسكەرلەردىڭ بارلىق ساناتتاعى اسكەري قىزمەتشىلەردى تاعايىنداۋ، ودان ءارى كاسىبي ءوسىرۋ جونىندەگى مىندەتتەردى ورىنداۋعا دايىندىعىن ارتتىرۋعا باعىتتالعان.
جازعى وقىتۋ كەزەڭىندە وقۋ-جاتتىعۋلار، بولىمشەلەردىڭ دالالىق شىعۋلارى، پراكتيكالىق اتىستار، وقۋ-جاتتىعۋ ۇشۋلارى، كەمەلەردىڭ تەڭىزگە شىعۋى، جاۋىنگەرلىك ماشينالاردى جۇرگىزۋ، پاراشيۋتپەن سەكىرۋ ورىندالادى.