دەنساۋلىق ساقتاۋ مينيسترلىگى كەيبىر اۋرۋلارمەن اۋىراتىن قازاقستان ازاماتتارىنىڭ جەكەلەگەن ساناتتارى ءۇشىن تەگىن نەمەسە جەڭىلدىكپەن امبۋلاتوريالىق قامتاماسىز ەتۋگە ارنالعان دارىلىك زاتتار مەن مەديسينالىق بۇيىمدار تىزبەسىن كەڭەيتۋدى جوسپارلاپ وتىر، دەپ حابارلايدى aqshamnews.kz.
جوبا اياسىندا كەلەسى ءۇش جاڭا دارىلىك پرەپاراتتى ەنگىزۋ كوزدەلگەن:
-ليمفويدتى، قان ءتۇزۋ جانە تۋىستاس تىندەردىڭ قاتەرلى جاڭا تۇزىلىمدەرىن (ونىڭ ىشىندە اپلاستيكالىق انەميا جانە يممۋندىق ترومبوسيتوپەنيا) ەمدەۋگە ارنالعان؛
- ونكولوگيالىق اۋرۋلاردى ەمدەۋگە ارنالعان؛
- پسورياز دەرتىنە قارسى ەمدەۋگە ارنالعان.
بۇل جوبانىڭ ماقساتى سوزىلمالى جانە ونكولوگيالىق اۋرۋلارى بار پاسيەنتتەر ءۇشىن ءتيىمدى تەراپياعا قولجەتىمدىلىكتى ارتتىرۋعا، كلينيكالىق ناتيجەلەردى جاقسارتۋعا جانە ءومىر ءسۇرۋ ساپاسىن كوتەرۋگە باعىتتالعان.
اتالعان جوبا «اشىق نقا» (نورماتيۆتىك قۇقىقتىق اكتىلەر) پورتالىندا 2025 جىلعى 16 ماۋسىمعا دەيىن كوپشىلىك تالقىلاۋىنا ۇسىنىلعان.