2025 جىل – جۇمىسشى ماماندىقتارىنىڭ جىلى بولىپ جاريالاندى. بۇل شەشىم – ەلىمىزدىڭ دامۋىنا نەگىز بولاتىن، قول ەڭبەگىمەن ەل يگىلىگىنە ۇلەس قوسىپ جۇرگەن مامانداردىڭ مارتەبەسىن كوتەرۋگە باعىتتالعان. سەبەبى ءبىلىم – ەل بولاشاعىنىڭ ىرگەتاسى. وسى جولدا ايانباي ەڭبەك ەتىپ، دارىنىن، شىعارماشىلىعىن جانە ءبىلىمىن ۇشتاپ جۇرگەن جاستار – قوعام ماقتانىشى.
جىل سايىن ەلىمىزدىڭ ءار وڭىرىندە وتكىزىلەتىن «ۇزدىك 100 ستۋدەنت» جوباسى – وسىنداي بەلسەندى، ىزدەنىمپاز جاستاردى انىقتاۋعا، ولاردىڭ ەڭبەگىن باعالاۋعا ارنالعان يگى باستاما. بيىل قازاقستان رەسپۋبليكاسى وقۋ-اعارتۋ مينيسترلىگىنىڭ تاپسىرماسى بويىنشا استانا قالاسىندا رەسپۋبليكالىق دەڭگەيدە اتالمىش جوبانىڭ بايقاۋى ۇيىمداستىرىلدى.
بۇل كونكۋرس تەك ۇزدىك وقيتىنداردى عانا ەمەس، سونىمەن قاتار عىلىمي-زەرتتەۋ جۇمىستارىمەن اينالىساتىن، قوعامدىق شارالارعا بەلسەنە قاتىساتىن، سپورت پەن ونەردە جەتىستىكتەرگە جەتكەن جاستاردى دا قامتيدى. «ۇزدىك 100 ستۋدەنت» اتاعى – قاجىرلى ەڭبەك پەن تاباندىلىقتىڭ جەمىسى.
جوبانىڭ باستى ماقساتى – جۇمىسشى ماماندىقتاردىڭ، ونىڭ ىشىندە اسپازدىق، شاشتاراز ونەرى، تىگىن ءىسى سىندى كاسىپتەردىڭ بەدەلىن ارتتىرۋ، سونداي-اق ستۋدەنتتەردىڭ كاسىبي دامۋىنا قولداۋ كورسەتۋ. بيىلعى تىزىمگە ەنگەن ستۋدەنتتەر – ءوز سالاسىندا ايرىقشا ناتيجە كورسەتكەن جاس ماماندار.
ولاردىڭ قاتارىندا الماتى ءسان جانە قىزمەت كورسەتۋ سالاسى كوللەدج ديرەكتورىنىڭ تاربيە ءىسى جونىندەگى ورىنباسارى وماروۆا كۇنىماي نۇرلىباي قىزىنىڭ جەتەكشىلىگى مەن 3- باعام ستۋدەنتى ورازبايەۆ ايبەك باعلان ۇلى دا بار. ول بۇل كونكۋرسقا ۇلكەن دايىندىقپەن كەلىپ، ەرەكشە جوباسىمەن كوزگە ءتۇستى. ايبەك ءوز جوباسىندا تۋعان ءوڭىرى جايلى، ىسكە اسىرىلىپ جاتقان باستامالار تۋرالى، سونداي-اق ءوزى ءبىلىم الىپ جاتقان وقۋ ورنى مەن تاڭداعان ماماندىعى تۋرالى كەڭىنەن باياندادى. بايقاۋعا قاتىسۋداعى ماقساتى مەن جەتىستىككە جەتۋ جولىن شىنايى تۇردە كورسەتە ءبىلدى.
سونىمەن قاتار، بۇل بايقاۋ وعان ۇلكەن تاجىريبە مەن تىڭ اقپاراتتار الىپ، كاسىبي ءوسۋ جولىندا سەنىمدى قادام جاساۋعا مۇمكىندىك بەرگەنىن اتاپ ءوتتى. ارينە، مۇنداي تابىستار – ستۋدەنتتىڭ جەكە ەڭبەگىنىڭ، ۇستازدارىنىڭ قولداۋى مەن اتا-اناسىنىڭ سەنىمىنىڭ ناتيجەسى. «ۇزدىك 100 ستۋدەنت» جوباسى – جاستاردىڭ بىلىمگە دەگەن ىنتاسىن ارتتىرىپ، جاۋاپكەرشىلىك پەن سەنىمدىلىكتى قالىپتاستىرادى. مۇنداي بايقاۋلار سالاۋاتتى باسەكەلەستىك ورناتۋعا، جاس ۇرپاقتىڭ ءوز الەۋەتىن تولىق اشۋعا جول اشادى.
قورىتىندىلاي كەلە، بۇل جوبا – ەلىمىزدىڭ بولاشاعىن جاساقتايتىن كوشباسشى جاستاردى تاربيەلەۋدىڭ، ولاردىڭ الەۋەتىن قولداۋدىڭ جارقىن ۇلگىسى. وسىنداي باستامالار قازاقستاننىڭ ينتەللەكتۋالدىق الەۋەتىن كوتەرىپ، جاستاردىڭ قوعامداعى ءرولىن نىعايتا تۇسەدى. ءار ماماندىق – تابىستى بولاشاقتىڭ باستاۋى ەكەنىن ۇمىتپايىق.
الماتى ءسان جانە قىزمەت كورسەتۋ سالاسى كوللەدجى
كىتاپحانا مەڭگەرۋشىسى جاندار ساۋلە يلياس قىزى