الماتىداعى «دارابوز» ىقشاماۋدانىندا قارۋ اسىنىپ، كوشەگە شىققان ەر ادام سوتتالۋى مۇمكىن.
بۇل تۋرالى الاتاۋ اۋدانىنىڭ پروكۋرورى ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ۆەدومستۆو وكىلىنىڭ ايتۋىنشا، ەر ادامنىڭ ارەكەتى ق ر قك-نىڭ 293-بابى 3-بولىگى 2-تارماعى بويىنشا سارالاندى.
«كۇدىكتى 3-7 جىلعا دەيىن باس بوستاندىعىنان ايىرىلۋى مۇمكىن. قىلمىستىق ءىس قوزعالدى. ءىس بۇزاقىلىق بابى بويىنشا تەرگەلىپ جاتىر. ۇستالعان ازاماتتىڭ قارۋى تاركىلەنىپ، زاتتاي ايعاق رەتىندە تانىلدى. ءقازىر ول ساقتاۋ كامەراسىنا تاپسىرىلدى»، - دەدى الماتى قالاسى الاتاۋ اۋدانىنىڭ پروكۋرورى ءىزباسار ماساقبايەۆ.