سۋرەتتە ءوزىنىڭ ولىمىنە مۇمكىندىگىنشە جاقىن قارت ارىستان تۇر.
ءومىرىنىڭ ەڭ جاقسى جىلدارىندا ول تەك ايبات شەگۋ ارقىلى بارلىق اڭداردىڭ قورقىنىش سەزىمىن وياتاتىن. ءبىراق ءقازىر ول قارتايعان جانە ارەڭ قوزعالادى، اڭ اۋلاۋعا ەش مۇرشاسى جوق.
ونىڭ قابىرعالارىنا قاراڭىز. قاراڭىزشى، ول قانشالىقتى جۇقا جانە باسى كىشىپەيىلدىلىكپەن تومەن تۇسىرىلگەن - ول مۇنىڭ سوڭى ەكەنىن تۇسىنەدى.
⠀
ءسىز ارىستاننىڭ بۇل بەينەسىن اقىلدى قاريانىڭ ءولىم ءساتى رەتىندە تۇسىندىرە الاسىز. ارىستان تىنىش جانە ءولىمنىڭ كوزىنە تۋرا قارايدى.
ول ايقايلامايدى نەمەسە دۇربەلەڭ شىعارمايدى، جاي كەلەسى ءساتتى كۇتەدى. بۇدان كەيىن تىنىشتىق ورنايتىنىن بىلەدى. ەندى اۋىرسىنۋ نەمەسە اشتىق بولمايدى.
قانداي دا ءبىر ماعىنادا ءار ادامنىڭ تاعدىرى وسى ارىستانعا ۇقسايدى. سوندىقتان سىزگە بىرنەشە سۇراقتار قويۋعا رۇقسات ەتىڭىز:
⠀
ءسىز ءوزىڭىزدىڭ بايلىعىڭىزبەن ماقتاناسىز با؟
ءسىز ءوزىڭىزدىڭ سۇلۋلىعىڭىزبەن ماقتاناسىز با؟
ءسىز ءوزىڭىزدىڭ بەدەلىڭىزدى ماقتان تۇتاسىز با؟
ءسىز ءوزىڭىزدىڭ جەتىستىكتەرىڭىزبەن ماقتاناسىز با؟
⠀
ءبىر كۇنى مۇنىڭ ءبارى ەشقانداي ماعىناسىز بولاتىن كۇن كەلەدى.
⠀
ايتپاعىمىز، سىزگە دە، بىزگە دە ءبىر كۇنى ءدال وسى ارىستان سياقتى سوڭعى ساتپەن بەتپە-بەت كەلەتىن ءسات تۋادى. ءدال وسى ارىستان سياقتى ءبىر كۇنى ءسىز وتكەنىڭىزدىڭ كولەڭكەسىنە اينالاسىز.
بۇل ارىستان سياقتى ءبىر كۇنى ۋاقىت ولشەمىندە بۋلانىپ كەتەسىز. ءدال وسى ارىستان سياقتى، ءسىز ءبىر رەت ءولىمنىڭ كوزىنە قاراپ، ونى قابىلدايسىز، ويتكەنى ءسىز بۇرىنعىداي كۇشتى بولمايسىز.
⠀
ءبىر كۇنى بۇكىل سۇرگەن ءومىرىڭىز كوز الدىڭىزدان جارق ەتىپ وتە شىعادى. سول جارقىل ءسىزدى سوڭعى ساتتە وكىندىرمەس ءۇشىن، قازىردەن باستاپ ويلانىڭىزدار. داندايسىماڭىزدار، جاستاردىڭ الدىنا ءتۇسىپ الدىن وراماڭىزدار، بايلىق پەن مانساپ ءۇشىن ساقالدارىڭىزدى ساتپاڭىزدار. ۇرپاقتارىڭا كوجە-قارىندى تويدىرۋ ءۇشىن تاربيە بەرمەڭىزدەر كوڭىل قارىندى تويدىراتىن رۋحاني ازىق بولاتىنداي ناسيحات جاساپ وتىرۋلارىڭىز كەرەك. مىنا جەردىڭ بەتىندە ادامدار باي كەدەي بولىپ ءبولىنۋى مۇمكىن ال قارا جەردىڭ قويناۋىندا اللانىڭ قۇزىرىنىڭ الدىندا جاس تا كارى دە باي دا كەدەي دە بىردەي بولادى.
سوندىقتان ادامنىڭ تەك قانا نە جاسايمىن دەسە دە ءتىرى كەزىندە عانا مۇمكىندىگى بولادى. ءبىزدىڭ ومىرگە كەلۋدەگى ەڭ باستى ماقساتىمىز ول ءىشۋ، جەۋ، تىشۋ، قىدىرۋ، توي تويلاۋ، ۇرپاق كوبەيتۋ عانا ەمەس ەكەنىن ۇعىنۋىمىز كەرەك سەبەبى ادامنىڭ ماقساتى تەك وسى عانا بولسا وندا ءوزى ءۇشىن جۋساعان حايۋاننان قاي جەرىمىز ارتىق بولار ەدى!؟
ءبىز كازىر بۇرىنعى اقساقالداردان اجىراپ قالدىق. بۇرىن بۇكىل ءبىر اۋىلدى جالعىز قاريا بيلەۋشى ەدى كازىر ءبىر اۋىل تۇگىلى ءبىر جانۇيانى باسقارا المايتىن ۇنجىرعاسى تۇسكەن، جالتاق، بەدەلى جوق قالگە جەتتىك. مىنە سونى كورىپ وسكەن ۇرپاقتىڭ دا دارمەنسىز، ىنجىق، قورقاق بولىپ تاربيەلەنىپ جاتقاندىعى دا سوندىقتان دەپ ويلايمىن...
قازاقتا "ساقالىن ساتقىن كارىدەن،
ەڭبەگىن ساتقان بالا ارتىق" دەگەن ءسوز تەگىننەن تەگىن ايتىلماعان. ءبىز مىناۋ قاسيەتتى قازاق ۇلتىن قالاي ۇستاپ قالامىز دەگەن ۇلتتىق رۋحاني ءمانى بار تاربيەنى مەيلىنشە ءاربىر وتباسىندا جاڭعىرتىپ جاستارعا باعىت باعدار بەرىپ وتىرۋعا ءتيىستىمىز.
ماڭگىلىك ەشكىم ءومىر سۇرمەيدى ەشكىم شايتان ەمەس ولمەيتىن سوندىقتان قۇدايدىڭ الدىنا بارعاندا سەنىڭ بۇل دۇنيەدە قالاي ءومىر سۇرگەنىڭ كىم بولىپ ءومىر سۇرگەنىڭ ەش ماڭىزدى ەمەس ماسەلە قۇدايدىڭ الدىنا كىم بولىپ باراتىندىقتارىڭدا جاتىر.
ءبىز بۇرىنعى ءوتىپ كەتكەن اتا-بابالارىمىزبەن كۇنى بۇگىنگە دەيىن نە ءۇشىن ماقتانامىز؟ سەبەبى ولار بىزگە وسىناۋ ۇلان عايىر جەردى شاشاۋ شىعارماي جانكەشتىلىكپەن قورعاپ امانات ەتىپ قالدىرىپ كەتكەنى ءۇشىن، قازاقتىڭ ءسالت-داستۇرىن، ادەپ-عۇرپىن، مادەنيەتىن، تاريحىن، ءتىلىن، ءدىنىن دە ساقتاپ جەتكىزىپ كەتكەندىگى ءۇشىن باس ءيىپ تاعزىم ەتەمىز، تۇسىنەمىز، سەزىنەمىز، بىلەمىز ءارقاشان جادىمىزدا تۇراتىنى سوندىقتان.
ال كازىر ءبىز كەلەشەك ۇرپاقتىڭ الدىندا نە دەپ ماقتانامىز!؟
اڭ ەكەش اڭنىڭ دا ءوزىنىڭ بەلگىلى ءبىر تەرريتورياسى بولادى بەلگىلەنەتىن ونى ول قاسىقتاي قانى قالعانشا ەشكىمگە بەرمەيدى، ولگەنشە قورعايدى. ارىستاننىڭ دا شيبورىلەردىڭ قورشاۋىندا قالاتىن كەزى بولادى ءبىراق ونى وزگە ارىستاندار كورىپ تۇرىپ شيبورىلەرگە تالاتىپ قويمايدى عوي. شيبورىلەر ارىستاننىڭ اڭ پاتشاسى ەكەنىن ءبىلىپ ونىڭ تاعى ءۇشىن تالامايدى، شيبورىگە ەڭ ماڭىزدىسى ول ەمەس ارىستاننىڭ استىندا شالاجانسار يلەنىپ جاتقان ولەكسە عانا ماڭىزدىراق. سوندىقتان ارىستان قارتايسا شيبورىلەرگە ونىڭ كەزىندە قاھارلى، ايبارلى، ازۋلى بولعانى قىزىق بولماي قالادى.
ءومىر دەگەن قوزعالىس وسىلاي الاساپىران الما عايىپ دۇنيەدە الما كەزەك جالعاسا بەرەدى.
ال ادامعا اللادان بەرگەن ەڭ ۇلى نىعمەت بار ول اقىل مەن ءبىلىم. ءبىزدىڭ اقىلىمىز بەن ءبىلىمىمىزدىڭ ورەسى قارىن سانا دەڭگەيىندە قالىپ قويماۋى كەرەك. ءبىز اقىلىمىز بەن ءبىلىمىمىزدى تاۋەلسىزدىك ءۇشىن ەركىندىك ءۇشىن وركەنيەت ءۇشىن سارپ ەتە الماساق قارتايعان تىرناعى مەن ءتىسى مۇقالعان ومىردەن ءۇمىتى قالماعان ۇمىتىلىپ جوق بولىپ كەتەتىن اڭنان دا ايىرماشىلىعىمىز بولمايدى جانە كەلەر ۇرپاقتىڭ جادىندا قانداي كۇيدە تۇرامىز ەرتەڭ قالاي تاريحتا ءىز قالدىرامىز؟!