الماتىدا كونتەينەرلەردىڭ ءبىرىن الىپ بارا جاتقان مانيپۋلياتوردىڭ جولىن پوليسيا قىزمەتكەرلەرى بوگەدى.
جۇرگىزۋشى بۇل كونتەينەردى قالا شەتىنەن 140 مىڭ تەڭگەگە اپارىپ بەرۋگە كەلىسكەنىن ايتتى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«جەدەل ءىس-شارالاردى جۇرگىزۋ بارىسىندا كونتەينەردىڭ جاقىندا ورنالاسقان جەرى – الماتى وبلىسى، جامبىل اۋدانى اۋماعىنداعى شارۋا قوجالىعى ەكەندىگى بەلگىلى بولدى. ءدال وسى جەردەن، سينتەتيكالىق ەسىرتكى وندىرەتىن ورىننان تاعى ەكى كونتەينەر تابىلدى. ىشىنەن ءيىس شىعىپ تۇردى. باسقا جاقتان كەلگەن ەكى ازامات قىلمىستىق ءوندىرىس جاساعانى انىقتالدى: ولار مال ۇستايمىز دەگەن جەلەۋمەن كونتەينەرلەردى جالعا العان. ءوز ىستەرىن جاسىرۋ ءۇشىن ءتىپتى 6 باس ءىرى قارا مالدارى دا بولعان. ءۇش كونتەينەردى ءتىنتۋ كەزىندە شىنى زەرتحانالىق كولبالار، جالپى سالماعى 8 تونناعا جۋىق سۇيىقتىق قۇيىلعان 324 كانيستر، ەرەكشە ءيىسى بار 70 كەلىگە جۋىق اقشىل ءتۇستى كەسەك زات تابىلدى جانە تاركىلەندى»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى ديدار احانوۆ.
اتالعان دەرەك ق ر قك-نىڭ 297-بابى 3-بولىگى بويىنشا ءبىرىڭعاي تىزىلىمگە تىركەلدى. تاركىلەنگەن زاتتارعا سوت-حيميالىق ساراپتاما تاعايىندالدى. ق ر قپك-نىڭ 201-بابىنا سايكەس وزگە اقپاراتتار تەرگەۋ مۇددەسىنە وراي جاريالاۋعا جاتپايتىنىن حابارلادى. ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىق بۇزۋشىلىق جاساۋدا كىناسىز دەپ تانىلادى.