اباي وبلىسىنىڭ اكىمى نۇرلان ۇرانحايەۆ وڭىردەگى ءورت الاڭى ايتارلىقتاي قىسقارعانىن ءمالىم ەتتى.
ءورتتى ءسوندىرۋ بويىنشا جۇمىس تاۋلىك بويى نەگىزىنەن ەكى باعىتتا – جەرنوۆكا، ءشۇلبى جانە كاشتاك اۋىلى اۋماعىندا جۇرگىزىلەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
تابيعي ءورتتى سوندىرۋگە اتسالىسقان بارلىق كۇشتەردىڭ ارقاسىندا ايتارلىقتاي ناتيجەگە قول جەتكىزىلدى.
ماسەلەن، كاشتاك اۋىلىنىڭ اۋدانىندا جەكە قۇرامنان 200 ادام، 30 تەحنيكا، 3 تىكۇشاق جۇمىلدىرىلدى. جەرنوۆكا-شۇلبى اۋدانىندا 300 ادام، 40 بىرلىك تەحنيكا جانە 9 تىكۇشاق بار.
«سوڭعى كۇندەرى ءورتتىڭ كولەمى ايتارلىقتاي ازايعانىن، ءورتتى ءسوندىرۋ جۇمىستارى تۇراقتى باقىلاۋدا ەكەنىن ايتۋ كەرەك»، - دەدى اباي وبلىسىنىڭ اكىمى نۇرلان ۇرانحايەۆ.