الماتى اكىمى ەربولات دوسايەۆ وكق بريفينگى بارىسىندا ءجۋرناليستىڭ سۇراعىنا جاۋاپ بەرە وتىرىپ، الماتى وبلىسىنداعى جەكە اۋماقتاعى" اۆتوبۋستاردى ۋاقىتشا ساقتايتىن ورىننىڭ ەكى جىل ىشىندە كادەگە جاراتىلاتىنىن جانە بولاشاقتا قالادا مۇنداي قويمالاردىڭ بولمايتىنىن ايتتى.
"ءبىز قازىرگى ۋاقىتتا بار اۆتوبۋستاردى كادەگە جاراتۋ جانە ەسەپتەن شىعارۋ جۇمىستارىن جۇرگىزەمىز"، - دەدى مەگاپوليس اكىمى جانە ءاربىر اۆتوبۋس بويىنشا تەحنيكالىق تەكسەرۋ جۇرگىزىلەتىنىن اتاپ ءوتتى. تەكسەرۋگە ءماسليحاتتىڭ تەكسەرۋ كوميسسياسى مەن مامانداندىرىلعان ۇيىمدار قاتىسادى.
قالا باسشىسى اتاپ وتكەندەي، تەكسەرۋدى كەلەسى جىلدىڭ كوكتەمىندە اياقتاۋ جوسپارلانۋدا. سول كەزدە الماتى وبلىسىنا 157 اۆتوبۋس بەرىلەدى.