قارجى پيراميدالارى كليەنتپەن جەكە جۇمىس ىستەگەندى ءجون سانايدى.
ىشكى ىستەر مينيسترلىگى قارجى پيراميدالارىنىڭ جۇمىس ىستەۋ ادىس-تاسىلىنە قاتىستى تۇسىنىك بەردى، دەپ حابارلايدى Almaty-akshamy.kz
ەلىمىزدە قارجى پيراميدالارىنىڭ قۇربانى بولىپ، جەكە مۇلكى مەن قاراجاتىنان ايرىلىپ جاتقان ازاماتتار كوپ.
«ەگەر سىزگە كليەنتتەر تارتساڭىز قوسىمشا اقى (بونۋس) تولەنەدى دەسە، دەمەك، ول كۇدىك تۋعىزۋى ءتيىس. ارينە، ءسىز وعان ءوز جاقىندارىڭىز بەن تانىستارىڭىزدى تارتاسىز. سولايشا ولاردىڭ دا باسىن قاۋىپكە تىگەسىز. ەكىنشىدەن، ولار مول تابىسقا تەز ءارى جەڭىل قول جەتكىزۋگە ۋادە بەرەدى. كەلەسى جايت - قىزمەت ەتۋگە رۇقسات بەرەتىن ليسەنزيا. مەكەمەنىڭ زاڭدى ليسەنزياسى بولماسا، دەمەك، ول - قارجى پيراميداسى. سول سياقتى العاشقى جارنا تولەۋ ءادىسى دە سولارعا تيەسىلى. ياعني، ءتۇرلى اكسيانى ويلاپ تابادى نەمەسە ءسىزدىڭ بىلىكتىلىگىڭىزدى كوتەرەمىز، وقۋعا جىبەرەمىز دەپ ۋادە ەتەدى»، - دەدى ق ر ءىىم تەرگەۋ دەپارتامەنتىنىڭ باسشىسى سانجار ءادىلوۆ بريفينگتە.
دەپارتامەنت باسشىسىنىڭ ايتۋىنشا، قارجى پيراميداسى قىزمەتىنە ءتان تاعى ءبىر فاكتى كومپانيانىڭ بيۋدجەتى بولمايدى، ولارعا اقشانى كليەنتتەر الىپ كەلەدى.
«كەيبىر قارجى پيراميداسى شاعىن نەمەسە ورتاشا قارجى مەكەمەسى رەتىندە جۇمىس ىستەپ، كليەنتتەردى ينۆەستيسيا قۇيۋعا شاقىرادى. سونداي-اق، قىمبات اكتيۆتەر تۋرالى دا ءسوز قوزعاۋى مۇمكىن. ال ءىس جۇزىندە ولاردىڭ وزىندە ەشقانداي قاراجات تا، اكتيۆ تە جوق. ودان كەيىن، جارناما. ءقازىر جارناما جاساۋدىڭ ءتۇرلى ءادىسى بار. اسىرەسە الەۋمەتتىك جەلىنىڭ كومەگىمەن. سوندىقتان جەلىدەگى جىلتىراعاننىڭ بارىنە سەنە بەرمەگەن ءجون. ودان بولەك، سىزبەن كەلىسىمشارت جاسايدى، سول كەزدە قۇجاتتى مۇقيات وقىپ شىعىڭىز. كوپ جاعدايعا ازاماتتار ءمان بەرمەي قول قويا سالادى»، - دەيدى ول.
سونداي-اق، سپيكەر قارجى پيراميدالارى كليەنتپەن جەكە جۇمىس ىستەگەندى ءجون سانايتىنىن ايتتى. ونىڭ سەبەبى - جالعىز ادامدى اڭگىمەلەسۋ ارقىلى كوندىرۋ وڭايىراق. باسقاشا ايتقاندا، پسيحولوگيالىق ءادىس. بۇعان دەيىن حابارلاعانىمىزداي، قازاقستاندا 30 مىڭنان استام ادام قارجى پيراميدالارىنا الدانعان.