2022 جىلى قالادا سەگىز قارجى پيراميداسى جويىلدى
B2B Jewelry قارجى پيراميداسىنىڭ سالىمشىلارىنا 300 ميلليون تەڭگە قايتارىلدى. بۇل تۋرالى الماتى قالاسى بويىنشا ەكونوميكالىق تەرگەۋ دەپارتامەنتى ءمالىم ەتتى، دەپ حابارلايدى Almaty-akshamy.kz.
«بۇگىنگى تاڭدا قارجى پيراميداسىنا الدانعان 230 سالىمشىعا 300 ملن تەڭگە قايتارىلدى. كەلتىرىلگەن شىعىندى وتەۋ جۇمىستارى جالعاسۋدا»، - دەپ حابارلادى الماتى قالاسى بويىنشا ەكونوميكالىق تەرگەۋ دەپارتامەنتىنىڭ باسپا ءسوز قىزمەتى. قارجى پيراميداسىنان جاپا شەككەن سالىمشىلاردىڭ ءبىرى - الماتىلىق اقمارال اسقاروۆا دەپارتامەنت قىزمەتكەرلەرىنە اتقارعان جۇمىستارى ءۇشىن العىس ءبىلدىردى. ونىڭ ايتۋىنشا، 2019 جىلى B2B Jewelry كومپانياسىنا 1،3 ملن تەڭگەدەن استام ينۆەستيسيا سالعان. «مەن ەكونوميكالىق تەرگەۋ دەپارتامەنتى قىزمەتكەرلەرىنە راحمەت ايتامىن. ءبىزدىڭ ارىزىمىزدى قابىلداپ، اقشامىزدى قايتارىپ الۋعا كومەكتەستى»، - دەلىنگەن حابارلامادا.
ۆەدومستۆو مالىمەتىنشە، 2022 جىلى قالادا سەگىز قارجى پيراميداسى جويىلدى، بۇل باعىتتاعى جۇمىستار ءالى دە جالعاسادى.
بۇعان دەيىن B2B Jewelry قارجىلىق پيراميداسىنىڭ 197 سالىمشىسىنا 123 ميلليون تەڭگە قايتارىلعان بولاتىن.
بىلتىر اتالعان قارجى پيراميداسىن ۇيىمداستىرۋشى 6 جىل 8 ايعا باس بوستاندىعىنان ايىرىلدى.