كولىكتەردى زاڭداستىرۋ
ارمەنيادان اكەلىنگەن جانە ۋاقىتشا ەسەپكە قويىلعان سارى بەلگىدەگى مەملەكەتتىك تىركەۋ نومىرلەرىن العان كولىك قۇرالدارى اعىمداعى زاڭداستىرۋ شەڭبەرىندە تىركەۋگە جاتادى. بۇل تۋرالى ق ر ءىىم اپك ەرەكشە تاپسىرمالار جونىندەگى اعا ينسپەكتورى التىنبەك جامالييەۆ مالىمدەدى، دەپ حابارلايدى Almaty-akshamy.kz.
"ارمەنيا رەسپۋبليكاسىنان اكەلىنگەن جانە ۋاقىتشا ەسەپكە قويىلعان سارى بەلگىدەگى مەملەكەتتىك تىركەۋ نومىرلەرىن العان كولىك قۇرالدارى دا اعىمداعى زاڭداستىرۋ شەڭبەرىندە تىركەۋگە جاتادى. سونىمەن بىرگە اق مەملەكەتتىك تىركەۋ بەلگىسىن الۋ مۇمكىندىكتەرى بار. الايدا اتالعان كولىك يەلەرى تىركەۋ ەلىنەن اۆتوكولىكتەرىن شەشىپ الۋ بويىنشا ىىم-گە ءارتۇرلى سۇراقتارمەن جۇگىنىپ جاتىر. ىشكى ىستەر مينيسترلىگى سىرتقى ىستەر مينيسترلىگىمەن بىرلەسە، ارمەنياداعى ارىپتەستەرىن تارتا وتىرىپ، وسى سۇراققا بايلانىستى كولىكتى قاشىقتان شەشۋ جانە ەسەپتەن شىعارۋ ماسەلەلەرىن پىسىقتاپ جاتقانىن جەتكىزەمىز"، - دەدى ق ر ءىىم اپك ەرەكشە تاپسىرمالار جونىندەگى اعا ينسپەكتورى التىنبەك جامالييەۆ.
الدىندا ق ر ءىىم اۆتوكولىكتەردى زاڭداستىرۋ بويىنشا سۇراقتارعا تىڭعىلىقتى جاۋاپ بەرگەن بولاتىن.