بيۋدجەتتى جوسپارلاۋ كەزىندە دە مونيتورينگ جاسالماق
قارجى مينيسترلىگى مەملەكەتتىك قولداۋ شارالارىنا بولىنگەن قاراجاتقا مونيتورينگ جۇرگىزەدى، دەپ حابارلايدى Almaty-akshamy.kz Almaty.tv-گە سىلتەمە جاساپ.
ءقازىردىڭ وزىندە 2015-2021 جىلدار ارالىعىنداعى كەزەڭدە كورسەتىلگەن 80 مەملەكەتتىك قولداۋ شاراسى بويىنشا مالىمەتتەر جينالعان ەكەن. سونىمەن قاتار وسى اقپاراتتاردى اۆتوماتتى تۇردە الۋ ماقساتىندا مەملەكەتتىك قولداۋ شارالارىن اتقاراتىن 7 وپەراتوردىڭ اقپاراتتىق جۇيەسىمەن ينتەگراسيا جۇمىسى ىسكە اسىرىلدى. مۇنداي مونيتورينگ جۇرگىزۋ تاسىلدەرى بيۋدجەتتى جوسپارلاۋ كەزىندە دە قولدانىلماق. سونداي-اق مەملەكەتتىك اپپارات قىزمەتىن بيۋروكراتيادان ارىلتۋ ءۇشىن بۋحگالتەرلىك وپەراسيانىڭ ءبىرىڭعاي بازاسى قۇرىلعان.
«جوبادا ءبىرىڭعاي انىقتامالىقتى پايدالانۋ دا جوسپارلانىپ وتىر. بۇل تالدامالىق قۇرالدى ورناتۋعا جانە قارجى سالاسىنداعى ءارتۇرلى پروسەستەردىڭ، ياعني بۋحگالتەرلىك ەسەپتى جۇرگىزۋ، ەسەپتىلىك بەرۋ، بيۋدجەتتى جوسپارلاۋ جانە پارمەندى مەملەكەتتىك ءاۋديتتىڭ تيىمدىلىگىن ارتتىرۋعا مۇمكىندىك بەرەدى»، – دەدى ق ر قارجى مينيسترلىگى سيفرلاندىرۋ جانە مەملەكەتتىك قىزمەتتەر دەپارتامەنتىنىڭ ديرەكتورى ەركىن بەركەشيەۆ.