قوسىمشا قارجى ءبولىندى
ق ر دەنساۋلىق ساقتاۋ مينيسترلىگىندە ق ر پرەمەر-مينيسترىنىڭ ورىنباسارى ەرالى توعجانوۆتىڭ توراعالىعىمەن مەملەكەت باسشىسىنىڭ تاپسىرمالارىنىڭ ورىندالۋ بارىسى تالقىلاندى، دەپ حابارلايدى Almaty-akshamy.kz قازاقپارات-قا سىلتەمە جاساپ.
الەۋمەتتىك مەديسينالىق ساقتاندىرۋ جۇيەسىنىڭ قازىرگى جاي-كۇيى مەن ءمامس قارجىسى ەسەبىنەن جەتكەن ناتيجەلەر جونىندە مەديسينالىق ساقتاندىرۋ قورىنىڭ باسشىسى ايدىن اشۋيەۆ ايتىپ بەردى.
«قارجىلاندىرۋدىڭ 2 ەسەدەن ارتىق وسكەنى ارقاسىندا 1 تۇرعىنعا شاققانداعى شىعىن 56 مىڭ تەڭگەدەن 116 مىڭ تەڭگەگە دەيىن ۇلعايدى، تيىسىنشە حالىقتىڭ قالتا شىعىنى 6،2%-عا كەمۋى بايقالادى.
بۇرىن جەتكىلىكتى قارجىلاندىرىلماعان مەديسينالىق كومەك تۇرلەرىنە قوسىمشا قارجى ءبولىندى. جوعارىتەحنولوگيالىق مەديسينالىق قىزمەتتى قارجىلاندىرۋ كولەمى 3 ەسە، مەدوڭالتۋ مەن كوسۋلتاتيۆتىك-دياگنوستيكالىق كومەك 11 ەسە ۇلعايدى»، – دەپ اتاپ ءوتتى ءمامس قورىنىڭ باسقارما باسشىسى.
بۇل رەتتە مەديسينالىق قىزمەت كورسەتەتىن ءونىم بەرۋشىلەردىڭ سانى ەداۋىر ارتتى، ونىڭ ىشىندە جەكەمەنشىك نىسانىنداعى مەديسينالىق ۇيىمداردىڭ ۇلەسى 27%-دان 51%-عا دەيىن ءوستى.
سونىمەن قاتار، مەدساقتاندىرۋ قورىنىڭ باسشىسى ءونىم بەرۋشىلەرمەن ءبىرىڭعاي شارت جاساسۋ جانە ستراتەگيالىق ساتىپ الۋشى ءرولىن كۇشەيتۋ ءۇشىن تمككك مەن ءمامس قارجىلىق اعىندارىن بىرىكتىرۋ قاجەتتىلىگى جونىندە ماسەلە كوتەردى.