جىل باسىنان بەرى بيۋدجەتتىڭ 65 ملرد تەڭگەسى يگەرىلمەگەن. ونىڭ 7 ميللرياردى - ۇنەمدەلگەن قارجى.
بۇل تۋرالى ۇكىمەت وتىرىسىندا قارجى ءمينيسترى ەرۇلان جاماۋبايەۆ مالىمدەدى، دەپ حابارلايدى Almaty-akshamy.kz Qazaqstan.tv-عا سىلتەمە جاساپ.
اسىرەسە، توتەنشە جاعدايلار، ىشكى ىستەر، دەنساۋلىق ساقتاۋ، ەكولوگيا، گەولوگيا جانە تابيعي رەسۋرستار مينيسترلىكتەرى كوپ قارجىنى يگەرمەگەن. بۇعان قۇجاتتاردىڭ ۇزاق راسىمدەلۋى، شوتتاردىڭ كەش ۇسىنىلۋى سەكىلدى ءبىرقاتار سەبەپ بار. دەگەنمەن، بيىل العاشقى 5 ايدا وتاندىق ەكونوميكانىڭ ءوسۋ قارقىنى 4،6 پايىزعا دەيىن جەدەلدەگەن. جىل باسىنان بەرى ەكسپورت كولەمى ۇلعايدى. ساۋدا، قۇرىلىس، كولىك، تاۋ-كەن ءوندىرۋ ونەركاسىپتەرى، سۋمەن جابدىقتاۋ، اۋىل شارۋاشىلىعى سالالارى وڭ ءوسىم كورسەتىپ وتىر.
«بەس ايدىڭ قورىتىندىسىنا سايكەس، اقمولا، الماتى، قىزىلوردا جانە شىعىس قازاقستان وبلىسترىندا، سونىمەن قاتار شىمكەنت قالاسى مەن ەلوردادا بارلىق نەگىزگى كورسەتكىشتەر بويىنشا ءوسىم تىركەلىپ وتىر. جاۋاپتى مەملەكتتىك ورگاندار مەن اكىمدىكتەر وسى جۇمىس قارقىنىن ساقتاۋ كەرەك. ول ءۇشىن ەكونوميكانى ءارتاراپتاندىرۋ، ينۆەتيسيالاردى تارتۋ جانە جاڭا تۇراقتى جۇمىس ورىندارىن قۇرۋدى جالعاستىرۋ قاجەت»، - دەيدى ق ر پرەمەر-مينيسترى ءاليحان سمايىلوۆ.