الماتىلىق دارىگەرلەر ايەلدىڭ جاتىرىنان ۇلكەندىگى قاربىزداي انالىق بەز جىلاۋىعىن الىپ تاستادى
56 جاستاعى ايەل اۋرۋحانانىڭ قابىلداۋ بولىمىنە ءىشىنىڭ اۋىرسىنۋىنا جانە السىزدىككە شاعىمدانىپ ءتۇستى. تەكسەرۋ بارىسىندا دارىگەرلەر ناۋقاستىڭ ءىش قۋىسىندا 30-40 سم بولاتىن ىسىك ءتۇزىلىسىن انىقتادى، ناۋقاستىڭ ايتۋىنشا، ول ءۇش جىلدان بەرى ءىشىنىڭ ۇلعايعانىن بايقاعان. جىلاۋىق مولشەرى تولىق مەرزىمدى جۇكتىلىككە سايكەس كەلدى.
«وتا جاساۋ تۋرالى شەشىم بىردەن قابىلداندى. ءبىز 11 ليتر ۇيىما قۇرامدى انالىق بەز ىسىگىن ءساتتى الىپ تاستادىق. وتادان كەيىنگى العاشقى ساعاتتا پاسيەنت ايتارلىقتاي جەڭىلدىك سەزىندى. وتادان كەيىنگى كەزەڭ جاقسى ءوتىپ، ناۋقاس تەز ساۋىعا ءتۇستى. كومەكتەسە العانىمىزعا قۋانىشتىمىز»، – دەيدى الماتى №8 قالالىق كلينيكالىق اۋرۋحاناسىنىڭ گينەكولوگيا بولىمشەسىنىڭ مەڭگەرۋشىسى دميتريي ساي.
مۇنداي وتا جوعارى كاسىبي دارىگەرلەر توبىن قاجەت ەتەتىنى ءسوزسىز. جوعارىدا اتالعانداي ۇلكەن زاقىمدانۋدى ەڭ از اسقىنۋمەن جويۋ حيرۋرگيالىق توپ ءۇشىن ناعىز جەتىستىك.
دارىگەرلەر دەنساۋلىققا ورتاق جاۋاپكەرشىلىك تۋرالى باسا ايتىپ، دارىگەرگە كورىنۋدى كەشىكتىرمەۋدى جانە ۇنەمى سكرينينگتىك تەكسەرۋدەن ءوتۋدى سۇرايدى.