قاراتاۋ كەنىشىندەگى قاراجات جىمقىرۋعا قاتىستى تەرگەۋ اياقتالدى

قاراتاۋ كەنىشىندەگى ۋران وڭدەۋ كاسىپورنىن جاڭعىرتۋ كەزىندە 862 ملن تەڭگە جىمقىرۋ فاكتىسى بويىنشا تەرگەۋ اياقتالدى

سىبايلاس جەمقورلىققا قارسى قىزمەت «قاراتاۋ» ج ش س بۇرىنعى باسشىلىعىنا («قازاتومونەركاسىپ» ۇاك اق ەنشىلەس ۇيىمى)، «Iri building» ج ش س مەردىگەرلىك ۇيىمىنىڭ ديرەكتورىنا، سونداي-اق اۆتورلىق جانە تەحنيكالىق قاداعالاۋ وكىلدەرىنە قاتىستى تەرگەۋدى اياقتادى، دەپ حابارلايدى اlmaty-akshamy.kz. 

مەردىگەر 2019-2021 جىلدارى تۇركىستان وبلىسى سوزاق اۋدانىنداعى قاراتاۋ كەنىشىندە ۋران وڭدەۋ كاسىپورنىن جاڭعىرتۋ جوباسىن ىسكە اسىرۋ شەڭبەرىندە قۇرىلىس-مونتاجداۋ جۇمىستارىنا بولىنگەن 862 ملن تەڭگەنى جىمقىردى دەپ كۇدىكتەلۋدە.

جىمقىرۋ اۆتورلىق، تەحنيكالىق قاداعالاۋ وكىلدەرىنىڭ قولداۋىمەن جانە «قاراتاۋ» ج ش س باسشىلىعى تاراپىنان نەمقۇرايلىلىق ناتيجەسىندە جاسالعان.

قىلمىستىق ءىس ءمانى بويىنشا قاراۋ ءۇشىن سوتقا جىبەرىلدى. «Iri building» ءجشس-نىڭ ناقتى يەسى ىزدەۋدە.

قىلمىستىق-پروسەستىك كودەكسىنىڭ 201-بابىنا سايكەس وزگە اقپارات جاريا ەتۋگە جاتپايدى. كونستيتۋسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروسەستىك كودەكسىنىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى. ەستەرىڭىزگە سالا كەتەيىك، بۇرىنعى ۆيسە-مينيستر ت. توقتابايەۆقا قاتىستى قىلمىستىق ءىس بويىنشا مەملەكەتكە نيكەل (1،075 ملن توننا) جانە كوبالت (585،9 مىڭ توننا) قورى بار قوستاناي وبلىسىنداعى بىرەگەي «شيەۆچەنكوۆسكوە» كەن ورنى قايتارىلدى. پايدالى قازبالار قورلارىنىڭ قۇنى 5،6 ترلن تەڭگەدەن اسادى.