2024 جىلعى 1 ساۋىردەگى جاعداي بويىنشا جۇمىسپەن قامتۋعا جاردەمدەسۋدىڭ ءتۇرلى شارالارىمەن 11،8 مىڭنان استام مۇگەدەكتىگى بار ادام قامتىلدى.
بۇگىنگى تاڭدا بارلىعى ەرەكشە قاجەتتىلىكتەرى بار 104،8 مىڭ ادام جۇمىسپەن قامتىلعان (27،4%)، دەپ حابارلايدى Almaty-akshamy.kz ق ر ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.
2024 جىلعى 1 ساۋىردەگى جاعداي بويىنشا قازاقستاندا مۇگەدەكتىگى بار 730،5 مىڭ ادام تۇرادى، ول حالىقتىڭ جالپى سانىنىڭ 3،6%-ىن قۇرايدى، ولاردىڭ 419،9 مىڭى ەڭبەككە قابىلەتتى جاستا.
ق ر الەۋمەتتىك كودەكسىنە سايكەس جەرگىلىكتى اتقارۋشى ورگاندار مۇگەدەكتىگى بار ادامدار ءۇشىن اۋىر جۇمىستارداعى، ەڭبەك جاعدايلارى زياندى، ءقاۋىپتى جۇمىستارداعى جۇمىس ورىندارىن ەسەپكە الماعاندا، جۇمىسشىلاردىڭ جالپى سانىنىڭ 2-دەن 4 %-نا دەيىن (جالدامالى جۇمىسكەرلەردىڭ جالپى سانى كەمىندە 50 ادام بولعان كەزدە) كولەمدە جۇمىس ورىندارىنا كۆوتا بەلگىلەيدى. اعىمداعى جىلدىڭ ءۇش ايىندا كۆوتا شەڭبەرىندە مۇگەدەكتىگى بار 3،9 مىڭ ادام جۇمىسقا ورنالاستىرىلدى.
سونداي-اق ەرەكشە قاجەتتىلىكتەرى بار ادامدار جۇمىسپەن قامتۋعا جاردەمدەسۋدىڭ بەلسەندى شارالارىنا تارتىلۋدا. ماسەلەن، اعىمداعى جىلدىڭ 1 ساۋىرىندەگى جاعداي بويىنشا تۇراقتى جۇمىسقا 1،4 مىڭ ادام، جاستار پراكتيكاسىنا – 95 ادام، الەۋمەتتىك جۇمىس ورىندارىنا – 421 ادام، قوعامدىق جۇمىستارعا – 4،3 مىڭ ادام، «كۇمىس جاس» جوباسى بويىنشا – 473 ادام، «العاشقى جۇمىس ورنى» جوباسى بويىنشا – 46 ادام جۇمىسقا ورنالاستىرىلدى.
قىسقا مەرزىمدى كاسىپتىك وقىتۋمەن 12 ادام، «باستاۋ بيزنەس» جوباسى بويىنشا كاسىپكەرلىك نەگىزدەرىنە وقىتۋمەن 1،2 مىڭ ادام قامتىلدى.
سونداي-اق، 2018 جىلدان باستاپ حالىقارالىق تاجىريبەنى ەسكەرە وتىرىپ، مۇگەدەكتىگى بار ادامداردى جۇمىسقا ورنالاستىرۋ ءۇشىن ارنايى جۇمىس ورنىن جاراقتاندىرۋعا بايلانىستى جۇمىس بەرۋشىلەردىڭ شىعىندارىن سۋبسيديالاۋ ءتارتىبى ەنگىزىلدى. 2023 جىلى وسىنداي 120 ارنايى جۇمىس ورنى قۇرىلدى.