اۋدان جىل سوڭىنا دەيىن «الماتى سۋعا» قوسىلادى.
اۋدان تۇرعىندارى قالا اكىمى ەربولات دوسايەۆپەن بولعان كەزدەسۋ بارىسىندا سۋ ماسەلەسىن كوتەردى، دەپ حابارلايدى Almaty-akshamy.kz.
«مەن "قاراسۋ" شاعىناۋدانىنان كەلىپ تۇرمىن. سۋ جانە كارىز قۇبىرلارىن ءبىزدىڭ شاياحمەتوۆا كوشەسىنىڭ باسىندا سالعالى جاتىر. ەندى بىزدە سۋ بولماي جاتىر، تاڭەرتەڭ 8-دە وشكەن سۋ كەشكى 20:00-دە ءبىر-اق قوسىلادى. وسى ماسەلەنى شەشىپ بەرسەڭىزدەر»،- دەپ سۇرادى اۋدان تۇرعىنى.
الماتى قالاسى اكىمى ەربولات دوسايەۆ بىلاي دەپ جاۋاپ بەردى:
- "قاراسۋ" شاعىناۋدانىنان سۋ ەكى جەردەن كەلىپ جاتىر: جەكەمەنشىك «قاراسۋ» جانە قالالىق «الماتى سۋ». مەن سىزدەرگە كەلەسى اپتادا ارنايى كوميسسيا جىبەرەيىن. قاي ۇيلەرگە قايدان جانە قالاي سۋ كەلىپ جاتقانىن تەكسەرەيىك. «الماتى سۋعا» تولىق قوسىلۋ جۇمىستارىن جىل سوڭىنا دەيىن بىتىرەمىز. ءبىراق ءبىر وپەراتوردان ەكىنشىسىنە ءوتۋ وڭاي جۇمىس ەمەس. سونداي-اق، اۋدان اكىمىنە تاپسىرما بەرەمىن، الداعى اپتادا سىزدەرگە بارادى.