پارتيانىڭ كەزەكتەن تىس XXIV سەزى باستالدى.
ەلوردادا AMANAT پارتياسىنىڭ كەزەكتەن تىس XXIV سەزى باستالدى. AMANAT پارتياسىنىڭ ءتوراعاسى ەرلان قوشانوۆ پرەزيدەنتتىككە ۇمىتكەر رەتىندە قاسىم-جومارت توقايەۆتى ۇسىندى،دەپ حابالايدى Almaty-akshamy.kz قازاقپاراتقا سىلتەمە جاساپ.
AMANAT پارتياسىنىڭ جانە ق ر پارلامەنتى ءماجىلىسىنىڭ ءتوراعاسى ەرلان قوشانوۆ بۇگىنگى رەفورمالاردىڭ باستى ماقساتى ادىلەتتىلىك، تەڭدىك، بىرلىك پرينسيپتەرىن ورنىقتىرۋ ەكەنىن باسا ايتتى.
«ءبىز وتكەنگە كەرى قايتپاۋىمىز كەرەك. اۋقىمدى وزگەرىستەر ءوزىنىڭ زاڭدى جالعاسىن تابۋى ءتيىس. ال مەملەكەت الدىندا تۇرعان ۇلى ماقسات-مۇراتتارعا قول جەتكىزۋ ءۇشىن بىزگە لايىقتى كوشباسشى كەرەك. سوندىقتان، پرەزيدەنتتىككە ۇمىتكەر رەتىندە قاسىم-جومارت كەمەل ۇلى توقايەۆتى ۇسىنامىن!»، - دەدى ەرلان قوشانوۆ.
ايتا كەتەيىك، بۇگىن بارلىق وبلىس پەن استانا، الماتى جانە شىمكەنت قالالارىنداعى پارتيالىقتار AMANAT-تىڭ باستى ساياسي ءىس-شاراسىنا جينالدى. سەزگە جالپى 1200 دەلەگات قاتىسىپ وتىر. ونىڭ 700ء-ى – ەلىمىزدىڭ تۇكپىر-تۇكپىرىنەن كەلگەن پارتيا مۇشەلەرى.
ەسكە سالايىق، بيىلعى 20 قاراشادا قازاقستاندا كەزەكتەن تىس پرەزيدەنت سايلاۋى وتەدى.