رەسپۋبليكا كولەمىندە ەسىرتكى قىلمىسىنىڭ الدىن الۋعا باعىتتالعان «قاراسورا-2023» جەدەل-پروفيلاكتيكالىق ءىس- شاراسى 1 ماۋسىم جانە 31 قازان ارالىعىندا وتكىزىلەدى.
قىزىلوردا وبلىسىندا ماۋسىم ايىنان باستالعان «قاراسورا-2023» ءىس-شاراسى اياسىندا ەسىرتكى وسىرۋمەن اينالىسقان 23 ادام قولعا ءتۇسىپ، ولاردىڭ 6-ى قاماۋعا الىندى، دەپ حابارلايدى Almaty-akshamy.kz Egemen.kz-كە سىلتەمە جاساپ.
اتالعان جۇمىس بارىسىندا وبلىستا ەسىرتكى وسىرۋمەن اينالىسقان 23 ادام ۇستالدى، ونىڭ 6-ى قاماۋعا الىندى.
«اتالعان جۇمىستار بارىسىندا وبلىس كولەمىندە بارلىعى 39 ەسىرتكى قۇقىق بۇزۋشىلىعى انىقتالعان. ونىڭ ىشىندە 20-ى ەسىرتكى ءوسىرۋ، 2ء-ى ەسىرتكى وتكىزۋ، 3ء-ى اسا ءىرى مولشەردە ساقتاۋ جانە 14ء-ى ەسىرتكىگە بايلانىستى قىلمىستىق تەرىس قىلىقتار سانالادى. زاڭسىز اينالىمنان 1،6 توننا ەسىرتكى زاتى الىندى. پوليسيا قىزمەتكەرلەرى ولاردان 5 كەلىدەن استام «ماريحۋانا»، 5 گرامم «گاشيش» جانە 1 توننا 610 كەلى كاننابيس وسىمدىگىن تاركىلەدى»، دەپ ءمالىم ەتتى وبلىستىق پوليسيا دەپارتامەنتىنەن.