بۇگىندە شارۋالار ءتيىستى جۇمىس ىستەپ جاتىر
اۋىل شارۋاشىلىعى ءمينيسترى ەربول قاراشوكەيەۆ بيىل قازاقتاندا قانشا استىق جينالاتىنىنا بولجام جاسادى، دەپ حابارلايدى Almaty-akshamy.kz.
ۇكىمەت وتىرىسىندا پرەمەر-مينيستر ءاليحان سمايىلوۆ «ەربول شىراقباي ۇلى، بىلتىر استىقتىڭ ءتۇسىمى جامان بولعان جوق. ءتۇسىمنىڭ ورتاشا جىلدىق كورسەتكىشى جوعارى بولدى. بيىلعى استىق ءتۇسىمىنىڭ بولجامى قانداي؟» - دەپ مينيسترگە سۇراق قويدى.
ەربول قاراشوكەيەۆ ناقتى بولجام جاساۋعا ءالى ەرتە ەكەنىن اتاپ ءوتتى.
«شارۋالار ەگىس ەگۋدى قاتاڭ، وڭتايلى مەرزىمدە اياقتاپ جاتىر. توپىراقتا جينالعان ىلعالدى ساقتاۋ باعىتىندا جۇمىستار دا مەرىزىمىندە اياقتالدى. «قازگيدرومەت» رمك مالىمەتىنشە، ماۋسىمدا جاۋىن-شاشىننىڭ مولشەرى رەسپۋبليكانىڭ باسىم بولىگىندە ورتاشا جىلدىق نورماتيۆ بولجانىپ وتىر. شىلدە-تامىزدا ەلىمىزدىڭ باتىس جانە وڭتۇستىك وڭىرلەرىندە جاۋىن-شاشىن نورمادان ءسال از بولادى. باسقا وڭىرلەردە جاۋىن-شانىننىڭ بولجامى نورماعا سايكەس بولىپ وتىر»، - دەدى ول.
ونىڭ پىكىرىنشە، ەگىننىڭ ازدى-كوپتى ءدال بولجامىن جاساۋ ءۇشىن وسكىننىڭ شىعۋ مەرزىمىن كۇتۋ كەرەك.
«ءقازىر الدىن الا فاكتورلاردى ەسكەرگەندەگى بولجام مىناداي. بيدايدى الاتىن بولساق، جالپى جيناۋ 16 ملن تەڭگە دەڭگەيىندە بولاجنىپ وتىر. استىق جامان بولمايدى»، - دەدى ەربول قاراشوكەيەۆ.