«قازگيدرومەت» ماۋسىم ايىندا قازاقستان اۋماعىنىڭ باسىم بولىگىندە ىلعالدىلىق نورماعا جاقىن بولاتىنىن بولجادى، دەپ حابارلايدى Almaty-akshamy.kz
«سونىمەن بىرگە، رەسپۋبليكانىڭ سولتۇستىك-باتىسىندا، وڭتۇستىگىندە، سونداي-اق سولتۇستىكتە جانە ورتالىقتا جەكەلەگەن اۋداندارىندا قالىپتى قۇرعاقشىلىق ايماقتارى كۇتىلۋدە»، - دەلىنگەن حابارلامادا.
بولجام بويىنشا ورتاشا قۇرعاقشىلىق كۇتىلەتىن وڭىرلەر:
- اقتوبە وبلىسىنىڭ ايتەكە بي، ىرعىز جانە حرومتاۋ اۋداندارىندا،
- قوستاناي وبلىسىنىڭ امانگەلدى جانە جاڭعىلدا اۋداندارىندا،
- قىزىلوردا وبلىسى قارماقشى اۋدانىندا،
- اقمولا وبلىسى جاقسى اۋدانىندا،
- قاراعاندى وبلىسى شەت اۋدانىندا.
بۇعان دەيىن سينوپتيكتەر 2023 جىلدىڭ ماۋسىم ايىندا قازاقستاندا اۋا رايى قانداي بولاتىنىن ايتقان بولاتىن. بولجام بويىنشا، ايدىڭ باسىندا ەلىمىزدىڭ باسىم بولىگىندە ىستىق اۋا رايى ساقتالادى. ماۋسىم ايىنىڭ ورتاسىندا ىستىق كۇندەر وتكىنشى جاڭبىرمەن، ەكپىندى جەلمەن، نايزاعايمەن، بۇرشاقپەن جانە شاڭدى داۋىلمەن سالقىن اۋا رايىمەن اۋىستىرىلادى.