ەلىمىزدە «ۇزدىك پەداگوگ» رەسپۋبليكالىق بايقاۋى اياقتالۋعا جاقىن.
وعان مەنشىك نىسانىنا جانە ۆەدومستۆولىق باعىنىستىلىعىنا قاراماستان مەكتەپكە دەيىنگى، ورتا، تەحنيكالىق جانە كاسىپتىك ءبىلىم بەرۋ ۇيىمدارىنىڭ شتاتتىق پەداگوگيكالىق قىزمەتتەگى ۇستازدازدار قاتىستى، دەپ حابارلايدى Almaty-akshamy.kz.
وقۋ-اعارتۋ مينيسترلىگىنىڭ مالىمەتىنشە، رەسپۋبليكالىق كەزەڭنىڭ قورىتىندىسى بويىنشا 64 جەڭىمپازعا «ۇزدىك پەداگوگ» سەرتيفيكاتى، «ۇزدىك پەداگوگ» توسبەلگىسى جانە 1 000 اەك – 3 450 000 تەڭگە اقشالاي سىيلىق بەرىلەدى.
ايتا كەتەيىك، بايقاۋ اۋداندىق، وبلىستىق، رەسپۋبليكالىق ءۇش كەزەڭ بويىنشا ءوتتى. ۇمىتكەردىڭ پەداگوگيكالىق قىزمەتتەگى جوعارى جەتىستىكتەرى مەن كونكۋرسقا قاتىسۋ كەزەڭىندە كەمىندە بەس جىل ۇزدىكسىز پەداگوگيكالىق تاجىريبەسى بولۋى شارت.
بايقاۋدىڭ ءبىرىنشى كەزەڭىنە قاتىسۋ ءۇشىن 961 ءوتىنىش كەلىپ ءتۇستى، ونىڭ ىشىندە 461 پەداگوگ وبلىستىق كەزەڭگە ءوتتى. بايقاۋدىڭ ەكىنشى كەزەڭىنىڭ قورىتىندىسى بويىنشا جەڭىمپازدار ءۇشىنشى كەزەڭگە ءوتتى. رەسپۋبليكالىق بايقاۋدىڭ اقتىق كەزەڭى بيىلعى جىلدىڭ قاراشا ايىندا وتەدى.