ق ر وقۋ-اعارتۋ مينيسترلىگى ءۇش اۋىسىمدى، اپاتتى مەكتەپتەردىڭ ماسەلەسىن شەشۋ ءۇشىن جاڭا وقۋشى ورىندارىن پايدالانۋعا بەرۋ بويىنشا جۇيەلى جۇمىستار جۇرگىزۋدە.
قاراشا ايىنىڭ باسىندا وڭىرلەردە 83 مىڭ وقۋشىعا ارنالعان 85 جاڭا مەكتەپ اشىلدى، دەپ حابارلايدى Almaty-akshamy.kz.
بۇل تۋرالى ق ر وقۋ-اعارتۋ مينيسترلىگىنىڭ باسپا ءسوز قىزمەتى مالىمدەدى.
جالپى، وسى جىلدىڭ سوڭىنا دەيىن ءتۇرلى قاراجات كوزدەرى ارقىلى 132 مىڭ ورىندىق 154 مەكتەپ، ونىڭ ىشىندە ءبىلىم بەرۋ ينفراقۇرىلىمىن قولداۋ قورى ەسەبىنەن 76 738 ورىندىق 62 مەكتە پايدالانۋعا بەرۋ جوسپارلانۋدا. بۇل 12 اپاتتى جانە 29 ءۇش اۋىسىمدى مەكتەپتىڭ، 113 ەلدى مەكەندەگى وقۋشىلار ورنىنىڭ تاپشىلىعى ماسەلەلەرىن شەشەدى.
سونداي-اق «جايلى مەكتەپ» ۇلتتىق جوباسى دا ىسكە اسىرىلۋدا. بيىل قۇرىلىسى باستالاتىن 217 مەكتەپ 2024 جىلدىڭ سوڭىنا دەيىن پايدالانۋعا بەرىلەدى. ۇلتتىق جوبا ءبىرىنشى كەزەكتە قالالار مەن كەلەشەگى بار ەلدى مەكەندەردە جاڭا ۇلگىدەگى مەكتەپتەردى سالۋعا، وقۋشىلار مەن پەداگوگتەرگە جايلى ءارى ءقاۋىپسىز ورتا قالىپتاستىرۋعا، ءبىلىم بەرۋ قىزمەتىنىڭ ساپاسىن ارتتىرۋعا باعىتتالعان.
مەملەكەت باسشىسىنىڭ تاپسىرماسى بويىنشا جالپى ەلىمىزدە 740 مىڭ وقۋشىعا ارنالعان 369 جايلى مەكتەپ سالۋ جوسپارلانۋدا.