قازىرگى كەزدە سوتقا دەيىنگى تەرگەپ-تەكسەرۋ جۇمىستارى باستالدى
«قازپوشتا» اق ىشكى تەرگەۋ جۇمىستارىن جۇرگىزىپ، كومپانيانىڭ وڭىرلىك فيليالدارىنىڭ بىرىنەن ءىرى زاڭبۇزۋشىلىقتى انىقتادى، دەپ حابارلايدى اlmaty-akshamy.kz.
كومپانيانىڭ باسپا ءسوز قىزمەتى حابارلاعانداي، قىزمەتكەرلەر 2019-2023 جىلدار ارالىعىندا جالپى سوماسى 200 ملن تەڭگەدەن استام قارجىنى قۇرايتىن قارجىلاي زاڭبۇزۋشىلىققا جول بەرگەن.
تەكسەرۋ ماتەريالدارى پروسەسسۋالدى شەشىم قابىلداۋ جانە كۇدىكتىلەردى جاۋاپقا تارتۋ، سونداي-اق زالال كەلتىرىلگەن سومانى وتەۋ ءۇشىن ەكونوميكالىق تەرگەۋ دەپارتامەنتىنە جولداندى.
«سەنىپ تاپسىرىلعان بوتەن مۇلىكتى اسا ءىرى مولشەردە يەلەنىپ الۋ نەمەسە ىسىراپ ەتۋ فاكتىسى بويىنشا قىلمىستىق كودەكستىڭ 189-بابىمەن سوتقا دەيىنگى تەرگەپ-تەكسەرۋ جۇمىستارى باستالدى»، - دەلىنگەن حابارلامادا.
اتالعان باپتىڭ سانكسياسى نەگىزىندە كۇدىكتىنىڭ مۇلكى تاركىلەنىپ، ول 7 جىلدان 12 جىلعا دەيىنگى مەرزىمدە باس بوستاندىعىنان ايىرىلۋى مۇمكىن.