الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىندا 2007-2008 جىلعى جاسوسپىرىمدەر اراسىنداعى كاسىبي بوكستان ازياداعى ءبىرىنشى ءتۋرنيردىڭ جۇلدەگەرلەرى مەن ولاردىڭ تالىمگەرلەرىنىڭ قاتىسۋىمەن باسپا ءسوز كونفەرەنسياسى ءوتتى، دەپ حابارلايدى اlmaty-akshamy.kz.
ەستەرىڭىزگە سالا كەتەيىك، 2023 جىلدىڭ 21 جانە 22 قازانىندا ەلوردادا «Green Belt WBC Kazakhstan» پيلوتتىق جوباسىنىڭ فينالى ءوتتى. اقتىق جەكپە-جەكتىڭ قورىتىندىسى بويىنشا ءۇش الماتىلىق جاس بوكسشى WBC چەمپيونى بەلبەۋىن يەلەنىپ، 1 ملن تەڭگە كولەمىندەگى اقشالاي سىيلىقتىڭ يەگەرلەرى اتاندى.
باسپا ءسوز كونفەرەنسياسىندا ءسوز سويلەگەن قازاقستان كاسىپقوي بوكس فەدەراسياسىنىڭ باس حاتشىسى بولات مانكەنوۆ بۇل جارىس ءداستۇرلى تۇردە اقش، ارگەنتينا جانە مەكسيكا ەلدەرىندە وتكىزىلەتىنىن اتاپ ءوتتى.
«جارىستى ۇيىمداستىرۋ جوعارى دەڭگەيدە ءوتتى. ولارعا رەسپۋبليكانىڭ بارلىق قالالارى مەن وبلىستارىنىڭ جاس سپورتشىلارى قاتىستى. 20 وڭىرلىك ديۆيزيون قۇرىلىپ، ىرىكتەۋ جارىستارى باستالدى. گراند-فينالدا ءتورت ايماقتىڭ چەمپيوندارى، بەس ءتۇرلى سالماق دارەجەسىندە جاسىل بەلبەۋ ءۇشىن ب ا ق سىناستى»، - دەدى ب.مانكەنوۆ.
قازاقستان كاسىپقوي بوكس فەدەراسياسىنىڭ پرەزيدەنتى ۆيكتور دەميانەنكونىڭ ايتۋىنشا، بۇل تۋرنير تەك كاسىپقويلار اراسىندا عانا ەمەس، سونىمەن قاتار بوكس اۋەسقويلارى اراسىندا دا تانىمال. ول مۇنداي جارىستاردى وتكىزۋ بوكستىڭ دامۋىنا جانە جاڭا چەمپيونداردىڭ پايدا بولۋىنا سەرپىن بەرەتىنىنە سەنىمدى.
«تۋرنيرگە اۋەسقوي بوكسپەن اينالىساتىن بالالار قاتىستى، ءبىراق بۇل تيتۋل ولاردىڭ ودان ءارى دامۋىنا جانە قازاقستان قۇراماسىنىڭ كوشباسشىلارىنا ۇمتىلۋىنا كەزەكتى ىنتالاندىرۋ بولاتىنىنا سەنىمدىمىن. ءبىز بۇعان ۇمىتتەنەمىز، سوندىقتان مۇنداي جوبانى ءبىزدىڭ بالالارىمىز بەن كورەرمەندەرىمىز ءۇشىن پايدالى دەپ سانايمىز»، - دەپ ءبولىستى ول.
سپورتشىلار تۋرنيرگە ەكى اي دايىندالدى. كەلەسى جىلى چەمپيوندار ايگىلى بوكسشى ساۋل الۆارەسپەن ءبىر زالدا «كانەلو» لاگەرىندە جاتتىعۋ وتكىزۋدى جوسپارلاپ وتىر.
وكق الاڭىنا جاس بوكسشىلار قاتىسىپ،ءوز اڭگىمەلەرىمەن ءبولىستى.
«مەنى بوكسقا اكەم الىپ كەلدى. ول بۇرىن بوكسپەن اينالىسقان جانە مەنى ءار ۋاقىتتا وزىمەن بىرگە جاتتىعۋعا اپاراتىن. سول كەزدە مەن وسى سپورت تۇرىمەن اينالىسامىن دەپ شەشتىم. كاسىبي بوكستاعى نەگىزدەر مەن جاڭا تاسىلدەردى كورىپ، ءبىلۋ جوسپاردا ءبارا، - دەپ اتاپ ءوتتى ءوز كەزەگىندە بوكسشى، Green Belt WBC Kazakhstan بەلبەۋىنىڭ يەگەرى ءاسانالى ساتپايەۆ.
Green belt WBC Kazakhstan بەلبەۋىنىڭ تاعى ءبىر يەگەرى، بوكسشى اباي بايعالىق بوكسقا ءوزىنىڭ كۋميرى - اتاقتى قازاقستاندىق بوكسشى گەنناديي گولوۆكيننىڭ جەتىستىگىنەن شابىت الىپ كەلگەنىن اتاپ ءوتتى.
«ءبىزدىڭ قازاقستاندىق بوكسشىنىڭ ءاربىر جەكپە-جەگىن كورىپ، ونىڭ جەڭىستەرىنە قىزىعۋشىلىق تانىتىپ، مەن بوكستى تاڭدايمىن دەپ شەشتىم. سونداي - اق ماعان جانىبەك ءالىمحان ۇلىنىڭ ءستيلى مەن مانەرى ۇنايدى، شەتەلدىك بوكسشىلاردان مەن دجارون ەننيستى اتاپ وتەر ەدىم»، - دەدى ول.
جۋرناليستەردىڭ سۇراقتارىنا جاۋاپ بەرە وتىرىپ، بوكسشى، Green Belt WBC Kazakhstan بەلبەۋىنىڭ يەگەرى زۋلفات يارمۇحامەدوۆ تۋرنير كەزىندەگى قيىن ساتتەر تۋرالى ايتىپ بەردى. مىسالى، ەگەر جاس بوكسشىلار بۇرىن ءۇش راۋندتا جەكپە-جەك وتكىزسە، بۇل جارىس ءتورت راۋند بويى ءوتتى.
«ءبىز ءارقاشان ءۇش راۋند جۇدىرىقتاساتىنبىز. ءتورتىنشى راۋند - بۇل باسقا دەڭگەي جانە الدەقايدا اۋىر، مۇندا مىنەز كورسەتۋدەن باسقا جولى جوق»، - دەيدى ول.
سونداي-اق، جاس سپورتشىلار جاتتىقتىرۋشىنىڭ ءرولىن اتاپ ءوتتى. وعان دا كوپ نارسە بايلانىستى. ءبىراق سپورتشىنىڭ جەكە موتيۆاسياسىنسىز جەتىستىككە جەتۋ قيىن، دەيدى ولار.
فەدەراسيا چەمپيونداردىڭ وزدەرىنەن باسقا، جازعى دەمالىس كەزىندە «كانەلو» لاگەرىندەگى وقۋ-جاتتىعۋ جيىندارىنا ءتۋرنيردىڭ جۇلدەگەرلەرى دە قاتىساتىنىن اتاپ ءوتتى.