بۇل جايىندا ۇكىمەت وتىرىسىندا ۇلتتىق ەكونوميكا ءمينيسترىنىڭ ءبىرىنشى ورىنباسارى تيمۋر جاقسىلىقوۆ ءمالىم ەتتى.
«ەكونوميكانىڭ نەعۇرلىم باسىم سالالارىندا «قاراپايىم زاتتار ەكونوميكاسى» باعدارلاماسى شەڭبەرىندە نەسيەلەۋ مەرزىمىن ۇزارتۋ تۋرالى ماسەلە پىسىقتالۋدا، دەپ حابارلايدى Almaty-akshamy.kz قازاقپاراتقا سىلتەمە جاساپ.
«اگرارلىق-ونەركاسىپ كەشەنى جانە وڭدەۋ ونەركاسىبى سالالارىنداعى 15 باسىم قىزمەت تۇرلەرى بويىنشا 7 جىلعا دەيىن كرەديت بەرۋ ۇسىنىلدى.
مەملەكەتتىك قولداۋ شارالارىن ۇسىنۋ شارتتارىنا وزگەرىستەر ەنگىزۋ شەڭبەرىندە مەملەكەتتىك سىياقى مولشەرلەمەسىنىڭ سۋبسيديالاناتىن بولىگىن بەكىتۋگە كوشۋ كوزدەلگەن»، - دەدى تيمۋر جاقسىلىقوۆ.
ايتۋىنشا، بۇل شارا اياسىندا تۇپكىلىكتى قارىز الۋشى ءۇشىن سىياقى مولشەرلەمەسىن ديففەرەنسياسيالاۋ كوزدەلگەن.
«مەملەكەت باسشىسىنىڭ اكىمدىكتەردىڭ فۋنكسيونالدىعىن قامتاماسىز ەتۋ جانە حالىق ءۇشىن نەعۇرلىم ماڭىزدى ماسەلەلەر بويىنشا ۇيلەستىرۋدى كۇشەيتۋ تۋرالى تاپسىرماسىن ىسكە اسىرۋ ءۇشىن وڭىرلەر اكىمدەرى ورىنباسارلارىنىڭ سانىن قولدانىستاعى سانىنا 1 بىرلىككە ۇلعايتۋ ۇسىنىلادى. بۇل رەتتە باستاما جەرگىلىكتى اتقارۋشى ورگانداردىڭ قىزمەتىن قارجىلاندىرۋ ءۇشىن ورناتىلعان ليميتتەر شەڭبەرىندە جۇزەگە اسىرىلادى»، - دەدى تيمۋر جاقسىلىقوۆ.