الماتى قالاسىنىڭ جاستار ساياساتى باسقارماسى قالا جاستارىنا ارنالعان «CAREER TIME» كاسىبي باعدار بەرۋ فەستيۆالىن وتكىزۋدە، دەپ حابارلايدى اlmaty-akshamy.kz.
ءىس-شارانىڭ ماقساتى - قوعامدىق تەندەنسيا مەن سۇرانىستاردى ەسكەرە وتىرىپ، جاستاردىڭ ماماندىق تاڭداۋ، مانساپ قۇرۋدا جەكە الەۋەتىن قالىپتاستىرۋ.
باعدارلامادا كاسىپكەرلەردىڭ، سونىڭ ىشىندە قۋانىش شونباي، اسەل ماشانوۆا، كوۋچ - كاسىپتىك باعدار بەرۋشى الميرا تۇرسىن، سونداي-اق ءارتۇرلى وبلىستاردان كەلگەن مامانداردىڭ موتيۆاسيالىق باعىت-باعدار بەرۋى، كومپانيا قىزمەتكەرلەرىنىڭ، جەتەكشى HR-مامانداردىڭ، پسيحولوگتىڭ، كونفليكتولوگتىڭ شەبەرلىك سىنىپتارى قاراستىرىلعان، ال قالانىڭ جوعارى وقۋ ورىندارى كۇنى بويى وتەتىن كورمەدە ءبىلىم بەرۋ باعدارلامالارىن ۇسىنىپ، ءبىلىم الۋدىڭ مۇمكىندىكتەرى تۋرالى ايتىپ بەرەدى.
«زاماناۋي جاس ازاماتتارعا تالاپقا ساي بەيىمدەلىپ، ترەندتەردى باقىلاپ، جاڭا ماماندىقتى يگەرۋگە دايىن بولۋى كەرەك. بۇل وزەكتى ءارى سۇرانىستاعى بىلىمگە سۇيەنە وتىرىپ، ءوزىنىڭ ءومىر جولىن سانالى تۇردە تاڭداۋ كەرەكتىگىن كورسەتەدى»، - دەپ اتاپ ءوتتى ۇيىمداستىرۋشىلار.
