الماتى وبلىسىنىڭ تۇرعىنى مۋزىكا فەستيۆالىنە قاتىسۋشىلاردىڭ تەلەفوندارىن ۇرلاپ كەتكەن.
المالى اۋداندىق پوليسيا قىزمەتكەرلەرى بۇرىن سوتتالعان 41 جاستاعى د. ەسىمدى ازاماتشانى ۇستادى. ازاماتتاردىڭ قاۋىپسىزدىگىن قامتاماسىز ەتۋ، سونداي-اق زاڭسىز دەرەكتەردىڭ جولىن كەسۋ ماقساتىندا جەدەل ۋاكىلدەردىڭ رەسۋرستارى كۇشەيتىلدى، دەپ حابارلايدى Almaty-akshamy.kz.
Polisia.kz مالىمەتىنە قاراعاندا، مەرەكە كۇندەرى ادامنىڭ كوپتىگىن پايدالانىپ، د. ەسىمدى ازامات ءۇش تەلەفون ۇرلاپ كەتكەن.
«كۇدىكتى قاماۋعا الىندى. قازىرگى ۋاقىتتا ونىڭ جەكە باسى باسقا دا قىلمىستارعا قاتىسى بار-جوعىنا تەكسەرىلىپ جاتىر. د.ەسىمدى ازاماتشا – الماتى وبلىسىنىڭ تۇرعىنى، بۇرىن مۇلىكتىك قىلمىستار جاساعانى ءۇشىن بىرنەشە رەت قىلمىستىق جاۋاپكەرشىلىككە تارتىلعان»، – دەيدى المالى اۋداندىق پوليسيا باسقارماسىنىڭ باستىعى ولجاس ءشارىپوۆ.
ق ر قك-نىڭ 201 بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77 بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.