وڭتۇستىك كورەيادا قازاقستاندىق ازامات 18-قاباتتان قۇلاپ مەرت بولدى دەپ حابارلايدى Almaty-akshamy.kz.
جەرگىلىكتى Nocutnews باسىلىمىنىڭ حابارلاۋىنشا، ەر ادام كيمحە قالاسىنداعى تۇرعىن ءۇيدىڭ توبەسىنە سىرلاۋ جۇمىستارىن جۇرگىزۋ ءۇشىن قورعانىش جولاعىن ورناتىپ جاتقاندا ابايسىزدا سۋاعاردى باسىپ، ارتىنشا قۇلاپ كەتكەن.
قايعىلى وقيعا 21 قىركۇيەكتە جەرگىلىكتى ۋاقىت بويىنشا ساعات 08.25 شاماسىندا (استانا ۋاقىتىمەن 11.25) بولعان.
«وقيعا ورنىنان دەرەۋ اۋرۋحاناعا جەتكىزىلگەنىمەن، وكىنىشكە قاراي، اۋىر جاراقات العان 47 جاستاعى ەر ادامعا مەديسينا قىزمەتكەرلەرى كومەك كورسەتە المادى»، - دەلىنگەن حابارلامادا.
قازا تاپقان ازامات زاڭسىز جۇمىس ىستەگەن بولۋى مۇمكىن، سوندىقتان وندىرىستەگى جازاتايىم وقيعالاردى رەتتەيتىن زاڭ ونىڭ جۇمىس بەرۋشىسىنە قولدانىلمايدى.
قازىرگى كەزدە ەلدىڭ ەڭبەك مينيسترلىگى جۇمىس ورنىنداعى قاۋىپسىزدىك ەرەجەلەرىنىڭ بۇزىلعانىن انىقتاۋ ءۇشىن وقيعا ورنىن تەكسەرىپ جاتىر. سونداي-اق پوليسەيلەر جازاتايىم وقيعا ەكەنىن نەمەسە قاساقانا كىسى ءولتىرۋ دەرەگى ەكەنىن انىقتاۋعا كىرىستى.