ماروككوداعى حالىقارالىق كينوفەستيۆالدە رەجيسسەر گۇلنار سارسەنوۆانىڭ "نارتاي" تۋىندىسى "ەڭ ۇزدىك رەجيسسۋرا" دەپ تانىلعان.
ۋزۋد تاۋلى مەكەنىندە العاش رەت ءوتىپ جاتقانىنا قاراماستان فەستيۆالگە ەۋروپا مەن افريكانىڭ تانىمال وكىلدەرى جينالدى. ءبىزدىڭ فيلم سىنشىلاردىڭ عانا ەمەس، قالىڭ كورەرمەننىڭ دە كوزايىمىنا اينالدى، دەپ حابارلايدى Almaty-akshamy.kz
24.kzء-تىڭ حابارلاۋىنشا، قازاق تانكيسى تۋرالى درامانىڭ ۇناعانى سونشالىق، ونى ماروككودا بىردەن كورسەتۋ تۋرالى ۇسىنىس جاسالدى. جالپى بۇل ەلدى "افريكانىڭ گوللليۆۋدى" دەپ اتايدى.
«ماروككو مەن قازاقستاننىڭ ساياسات، ەكونوميكا جانە باسقا دا سالالار بويىنشا قارىم-قاتىناسى جاقسى دامىپ كەلەدى. ونىڭ ۇستىنە، بىر-بىرىنەن الىستا ورنالاسقانىنا قاراماستان قوس مەملەكەتتىڭ ورتاق تۇستارى وتە كوپ. بۇل مادەنيەتتە شەكارا بولمايتىندىعىنىڭ جارقىن دالەلى بولسا كەرەك»، - دەيدى ماروككو كورولىنىڭ مادەنيەت جونىندەگى كەڭەسشىسى باحيجا سيمۋ.
«قازاق كينوسىنا دەگەن قىزىعۋشىلىق وتە جوعارى. وسىلايشا جەرگىلىكتى حالىق ءبىزدىڭ ەلىمىزدى، مادەنيەتىمىز تۋرالى كوبىرەك بىلگىسى كەلەدى. كورەرمەندەر قازاق كينومەكتەبىنىڭ دەڭگەيى وسىنشالىقتى جوعارى بولاتىنىن كۇتپەگەنىن جاسىرماي ايتادى. شىنىندا ءبىزدىڭ فيلمدەر ارقىلى ءبىزدىڭ ەلدى كەڭىنەن تانۋعا بولادى»، - دەيدى قازاق كينوسى قاۋىمداستىعىنىڭ پرەزيدەنتى اندرە يۆانوۆ.