قاراعاندىدان وسىمەن جەتىنشى كۇن جىلۋسىز وتىرعان ەكىباستۇز قالاسىنا قالپىنا كەلتىرۋ جۇمىستارىنا ات الىسۋ ءۇشىن قۇرىلىس جانە كوممۋنالدىق كاسىپورىنداردىڭ ءبىر توپ قىزمەتكەرى اتتاندى، دەپ حابارلايدى Almaty-akshamy.kz Inform.kz-كە سىلتەمە جاساپ.
قاراعاندى قالاسىنىڭ اكىمى ەرماعانبەت بولەكبايەۆ پاراقشاسىندا ەكىباستۇزدا جىلۋمەن قامتۋدى قالپىنا كەلتىرۋ ءۇشىن قاراعاندىدان 70 مامان جولعا شىققانىن جازدى.
«وبلىس اكىمىنىڭ تاپسىرماسى بويىنشا قۇرىلىس جانە كوممۋنالدىق كاسىپورىندار قىزمەتكەرلەرىنەن بريگادا قۇرىلدى. كۇندىز قاجەتتى قۇرالدارمەن جانە تەحنيكامەن تولىق جابدىقتالعان ماماندارىمىز ەكىباستۇزعا اتتاندى. قازىرگى ۋاقىتتا ولار قاجەتتى جۇمىستارعا كىرىستى. «ەنەرگوسەنتر» ج ش س،»قاراعاندى سۋ» ج ش س، قالانىڭ قۇرىلىس كومپانيالارى مەن بارلىق قاراعاندىلىقتارعا شىن جۇرەكتەن العىس ايتامىن»، - دەپ جازدى ول.