تاشكەنتتە سەمسەرلەسۋدەن جاسوسپىرىمدەر اراسىندا الەم چەمپيوناتى وتۋدە، دەپ حابارلايدى Almaty-akshamy.kz Inform.kz-كە سىلتەمە جاساپ.
جارىستىڭ ءبىرىنشى كۇنى سپورتشىمىز لۋكين بوگدان سەمسەرلەسۋدەن الەم كۋبوگىنىڭ جەكەلەي بىرىنشىلىگىنىڭ التىن مەدالىن جەڭىپ الىپ، جەڭىس تۇعىرىنىڭ ەڭ بيىك ساتىسىنا كوتەرىلدى.
جارتىلاي فينالدا مىسىرلىق شامەل يۋسەفتى 15:7 ەسەبىمەن ۇتقان بوگدان فينالدا تۋرنير يەسى وزبەكستاندىق تيمۋروۆ مەيىرحانمەن كەزدەسىپ، 15:12 ەسەبىمەن جەڭىسكە جەتتى.
مۇستافين عابيدين، گەورگيي تيننيكوۆ جانە سوفيا اقتايەۆا 1/8 فينالدا جەڭىلىپ، مەدالعا ءبىر قادام قالعاندا جارىستى توقتاتتى.
بۇگىن كوماندالىق كەزدەسۋلەر وتەدى.