ەڭ قىزىعى، ءار شينانىڭ بۇيىرىندە جىلقىنىڭ باسى بەينەلەنەدى.
ريا ءنوۆوستي-دىڭ اقپاراتىنا ساي، قاراعاندى وبلىسىندا Attar برەندىمەن كولىك دوڭعالاعى شىعارىلادى، دەپ حابارلايدى Almaty-akshamy.kz
"تاتنەفت" 2024 جىلى قازاقستاندا جانە ەكسپورتقا ساتۋ ءۇشىن Attar برەندىمەن شينا شىعارا باستايدى، دەپ مالىمدەدى كومپانيانىڭ باسپا ءسوز قىزمەتى.
كولىك دوڭعالاعى قاراعاندىنىڭ ساران قالاسىندا شىعارىلادى.
"Attar قازاق تىلىنەن اۋدارعاندا "جىلقى" ءسوزىن بىلدىرەدى. Attar – قازاقستانداعى شينالاردىڭ جاڭا برەندى. ونىمدەردى سارانداعى "تاتنەفت" شينا ديۆيزيونىنىڭ كاسىپورنى شىعارادى. بۇل ءونىم قازاقستان اۋماعىندا ساتىلادى جانە ەكسپورتتالادى"، -دەلىنگەن "تاتنەفت" حابارلاماسىندا.
"جىلقىنى تۇركى حالىقتارىنىڭ مادەنيەتى مەن تاريحىنان اجىراتۋعا بولمايدى، برەند الەمنىڭ كوپتەگەن تىلىندە ۇيلەسىمدى ەستىلەدى"، - دەيدى كومپانيا ماماندارى.
"تاتنەفت" زاۋىتى ساران قالاسىندا الداعى ايلاردا سەريالىق ءونىم شىعارۋدى باستايدى. كاسىپورىننىڭ وندىرىستىك قۋاتى جىلىنا 3 ميلليون جەڭىل شينا جانە 500 مىڭ جۇك شيناسىن شىعارۋعا جەتەدى.
"تاتنەفت"- رەسەيدەگى ەڭ ءىرى مۇناي كومپانيالارىنىڭ ءبىرى، باس كەڭسەسى تاتارستاندا ورنالاسقان. ول نەگىزىنەن تاتارستاندا مۇناي مەن گاز وندىرەدى جانە "تانەكو" مۇناي وڭدەۋ زاۋىتتارىنىڭ كەشەنىن باسقارادى.